بصدر مملکت ڈاکٹر عارف علوی اور وزیراعظم عمران خان کے درمیان ملاقات میں کورونا وبا کی آڑ میں کشمیریوں کے حقوق سلب کرنے کی شدید مذمت کی گئی ہے۔
باغی ٹی وی : صدر مملکت اور وزیراعظم کے درمیان ہونے والی ملاقات میں ملکی اور عالمی امور پر تبادلہ خیال کیا گیا جبکہ کورونا وائرس سے پیدا ہونے والی صورتحال سے متعلق بھی بات چیت کی گئی۔ ذرائع کے مطابق ڈی جی آئی ایس آئی لیفٹیننٹ جنرل فیض حمید بھی ملاقات میں شریک تھے۔
صدر مملکت ڈاکٹر عارف علوی نے کورونا وائرس کی روک تھام کیلئے حکومتی اقدامات کو سراہا اور ترقی پذیر ممالک کیلئے قرضوں میں نرمی سے متعلق وزیراعظم کے اقدامات کی تعریف کی۔ ان کا کہنا تھا کہ حکومت غریب طبقے کو ہر ممکن ریلیف کی فراہمی جاری رکھے۔
دونوں رہنماؤں نے بھارت کی جانب سے لائن آف کنٹرول (ایل او سی) پر بلا اشتعال فائرنگ اور کشمیریوں کے حقوق سلب کرنے کی شدید مذمت کی۔ وزیراعظم نے تراویح سے متعلق علمائے کرام میں اتفاق رائے پیدا کرنے کی کاوشوں کو سراہا۔
وزیراعظم عمران خان سے ملاقات کے دوران کہی۔
ذرائع کے مطابق ملاقات میں کورونا کی وجہ سے پیدا شدہ صورتحال پر بات چیت کی گئی اور مختلف امور بھی زیر غور آئے. صدر مملکت نے ترقی پذیر ممالک کے قرضوں کی واپسی میں نرمی سے متعلق وزیراعظم کے اقدام کی تعریف کی۔ملاقات کے دوران رمضان المبارک اور تراویح کی ادائیگی سے متعلق امور پر بھی تبادلہ خیال کیا گیا۔
صدر مملکت ڈاکٹر عارف علوی نے اس بات پرسخت افسوس کا اظہار کیا کہ لائن آف کنٹرول پر سیز فائر کی خلاف ورزی کی گئی ہے۔ انہوں نے بھارتی عمل کی شدید مذمت بھی کی۔
