لائن آف کنٹرول (ایل او سی) کے دونوں اطراف اور دنیا بھر کے کشمیری 13 جولائی 1931 کے شہدا کو خراج عقیدت پیش کرنے کے لیے آج کے دن کو یوم شہدائے کشمیر کے طور پر منارہے ہیں۔
باغی ٹی وی :واضح رہے کہ 13 جولائی 1931 کو ڈوگرہ مہاراجا کی فوج نے عبد القدیر نامی نوجوان کے خلاف عدالتی کارروائی کے دوران یکے بعد دیگرے 22 کشمیری نوجوانوں کو سری نگر سینٹرل جیل کے باہر شہید کردیا تھا۔
عبدالقدیر نے کشمیری عوام کو ڈوگرہ راج کے خلاف متحد ہونے کو کہا تھا۔
13 جولائی 1931 کو نماز ظہر کے وقت ایک نوجوان نے اذان دینا شروع کی تھی کہ ڈوگرہ مہاراجا کے سپاہیوں نے اسے فائرنگ کرکے شہید کردیا تھا لیکن اذان دینے کا سلسلہ جاری رہا اور اذان مکمل ہونے تک 22 نوجوانوں نے اپنی جانوں کا نذرانہ پیش کیا تھا۔
اس موقع پر وزیراعظم عمران خان نے کہا کہ یوم شہدا پر کشمیریوں کے ساتھ کھڑے ہیں-
We stand with Kashmiris on Kashmir Martyrs’ Day & pay tribute to 22 Shuhada of 13July1931, martyred when the Dogra Maharaja's soldiers fired on peaceful protestors. Kashmiris' struggle against tyranny & illegal Indian Occupation is steeped in a history of resistance & sacrifice.
— Imran Khan (@ImranKhanPTI) July 13, 2021
وزیراعظم عمران خان نے یوم شہدا کے حوالے سے جاری کئے گئے پیغام میں کہا کہ 13جولائی 1931 کے 22 شہدا کو خراج عقیدت پیش کرتے ہیں،ڈوگرا مہاراجہ کے فوجیوں نے پر امن کشمیری مظاہرین پر فائرنگ کی کشمیریوں پر ظلم و بربریت اور غیرقانونی بھارتی قبضے کے خلاف نئی جدوجہد سامنے آئی ہے-
This indomitable spirit of resistance remains alive as Kashmiri men & women continue to fight illegal Indian Occupation. Pakistan stands with the Kashmiris in their just struggle & will not compromise till they get their right to self determination guaranteed by UNSC resolutions.
— Imran Khan (@ImranKhanPTI) July 13, 2021
وزیر اعظم نے کہا کہ غیر قانونی بھارتی قبضے کے خلاف کشمیری مرد اور خواتین جدوجہد جاری رکھے ہوئے ہیں پاکستان کشمیریوں کے ساتھ ان کی منصفانہ جدوجہد میں کھڑا ہے آزادی کے حصول تک جدوجہد کا سلسلہ جاری رہے گا اور جب تک انہیں یو این ایس سی کی قراردادوں کے ذریعے اپنے حق خودارادیت کی ضمانت نہیں مل جاتی ہے سمجھوتہ نہیں کرے گا۔
پاکستانی وزیراعظم نے کہا کہ بھارتی ظلم وبربریت کےخلاف کشمیریوں کی مزاحمت کا جذبہ آج بھی زندہ ہے، مقبوضہ کشمیر میں بھارتی قبضے ،ظلم اور انسانی حقوق کی خلاف ورزیوں کی ایک تاریخ ہے-
