کشمور (نامہ نگارمختیازراعوان) الخدمت فاؤنڈیشن ضلع کشمور نے رمضان المبارک کے پیش نظر 150 مستحق گھرانوں میں راشن تقسیم کیا۔
تفصیلات کے مطابق الخدمت فاؤنڈیشن ضلع کشمور نے چاولہ کمیونٹی ہال کندہ کوٹ میں 150 مستحق گھرانوں میں راشن تقسیم کیا۔ اس موقع پر جماعت اسلامی ضلع کشمور کے امیر غلام مصطفیٰ میرانی نے کہا کہ آسمان سے باتیں کرتی ہوئی مہنگائی نے جب غریب لوگوں کی قوت خرید ختم کر دی ہے، ایسے وقت میں الخدمت کی جانب سے مستحق افراد کو مفت راشن دینا قابل تحسین قدم ہے۔
الخدمت فاؤنڈیشن ضلع کشمور کے صدر حافظ عمر فاروق چنہ نے کہا کہ ہماری کوشش ہے کہ اس ماہ صیام میں کسی غریب کا چولہا ٹھنڈا نہ ہو۔ اسی سلسلے میں رمضان المبارک میں الخدمت کی جانب سے ضلع کشمور میں دوسری مرتبہ مستحقین کو راشن فراہم کیا جا رہا ہے اور آئندہ بھی ان شاء اللہ خدمت کا یہ سلسلہ جاری رہے گا۔
اس موقع پر الخدمت کے ذمہ داران ایڈووکیٹ عبیداللہ بلوچ، الیاس نور چنہ، ایڈووکیٹ طالب حسین سبزوئی، شبیر احمد میرانی، ولی بیگ گولو سمیت دیگر ذمہ داران اور رضاکاروں نے اپنی خدمات سرانجام دیں۔
