تجاوزات سے راستے سکڑ گئے

کھڈیاں خاص ۔۔تجاوزات سے راستے سکڑ گئے شہری اذیت میں مبتلا ۔تفصیل کے مطابق شہر بھر میں سرکلر روڈ، صادق روڈ،گلزار چوک،تھانہ روڈ،چلڈرن پارک روڈ،پرانا امام بارگاہ چوک، سبزی منڈی سمیت داخلی وخارجی راستوں پر دکانداروں نے میونسپل کمیٹی کے عملہ کی ملی بھگت سے پھڑیاں لگا لی ہیں ۔شہر میں تجاوزات کی بھرمار نے شہریوں کو شدید دشواریوں میں مبتلا کر رکھا ہے ۔میونسپل کمیٹی عملہ کی مبعینہ سرپرستی کی وجہ سے کارروائی سے گریزاں ہیں ۔شہریوں جن میں اکبر علی،لیاقت علی،محمد رمضان، ارشد علی،محمد رفیق، تنویر احمد، دیگر کا کہنا ہے سڑک کے دونوں اطراف تجاوزات سے راستے سکڑ گئے ہیں میونسپل کمیٹی کی مبعینہ ملی بھگت اور مجرمانہ غفلت ولاپرواہی وزیراعظم پورٹل پر شکایات کے اندراج کا سلسلہ جاری ہے ۔
مہر بشارت صدیقی باغی ٹی وی قصور