قصور ،باغی ٹی وی(ڈسٹرکٹ رپورٹرطارق نوید سندھو) ڈیجیٹل میڈیا نیٹ ورک باغی ٹی وی کی 13ویں سالگرہ کے موقع پر ایک پُروقار تقریب منعقد کی گئی، جس میں سینئر اینکر پرسن مبشر لقمان کے ڈیجیٹل پلیٹ فارم کو خراج تحسین پیش کیا گیا۔ تقریب میں خصوصی طور پر ایم پی اے حاجی نعیم صفدر انصاری (چیئرمین وزیر اعلیٰ پنجاب مانیٹرنگ کمیٹی) نے شرکت کی۔
تقریب کے دوران ایم پی اے حاجی نعیم صفدر انصاری نے باغی ٹی وی کے ڈسٹرکٹ رپورٹر طارق نوید سندھو کے ساتھ مل کر سالگرہ کا کیک کاٹا۔ اس موقع پر طارق نوید سندھو کو 2024 میں بہترین صحافتی کارکردگی پر سرٹیفکیٹ بھی دیا گیا۔
اس پُروقار تقریب میں قصور کے سینئر صحافیوں، جن میں عباس علی بھٹی، عابد علی بھٹی، اور لالہ عثمان شامل تھے، نے شرکت کی اور باغی ٹی وی کی عوامی مسائل اجاگر کرنے کی کاوشوں کو سراہا۔ شرکاء نے ادارے کے لیے نیک تمناؤں کا اظہار کیا اور امید ظاہر کی کہ باغی ٹی وی اپنی صحافتی خدمات کو جاری رکھتے ہوئے مزید کامیابیاں حاصل کرے گا۔
تقریب کے دوران شرکاء نے مبشر لقمان کی قیادت میں باغی ٹی وی کی ٹیم کی جدوجہد کو سراہتے ہوئے ڈیجیٹل میڈیا کے میدان میں ان کے کردار کو پاکستان کے لیے ایک مثبت پیش رفت قرار دیا۔
