کترینہ کیف نے شادی کی دیگر رسومات کی تصاویر شئیر کر دیں

بالی ووڈ اداکارہ کترینہ کیف نے اپنی مایوں کی تصاویر شیئر کرتے ہوئے شکر ، صبر اور خوشی کا پیغام دیا ہے۔

باغی ٹی وی : بالی ووڈ اداکارہ کترینہ کیف اور وکی کوشل کی شادی بھارتی ریاست راجستھان کے ضلع سوائی مادھوپور کے ایک نجی ہوٹل میں 9 دسمبر کو انجام پائی وکی اور کترینہ دونوں نے اپنی شادی کی تصاویر سوشل میڈیا پر شیئر کرکے یہ خوشخبری پوری دنیا کو سنائی تھی-

کترینہ اور وکی کی شادی کے نشریاتی حقوق اسٹریمنگ ویب سائٹ کو 80 کروڑ میں فروخت

تاہم اب کترینہ کیف نے سوشل میڈیا پر اپنی شادی کی دیگر رسومات کی مزید تصاویر شیئر کرتے ہوئے انتہائی خوبصورت پیغام دیا ہے9 دسمبر کو اداکار وکی کوشل کے ساتھ شادی کے بندھن میں بندھنے والی بالی ووڈ اداکارہ کترینہ کیف نے اپنے فینز کو سرپرائز دیتے ہوئے شادی کی دیگر رسومات کی مزید تصاویر شیئر کی ہیں۔

کترینہ کیف کی خود سے کم عمر نوجوان سے شادی ،کنگنا رناوت کا ردعمل

کترینہ نے اپنی مایوں کی رسم کی تصاویر انسٹاگرام پر شیئر کیں تصاویر میں کترینہ کیف اور وکی کوشل کے چہروں پر ابٹن لگاہوا ہے اور دونوں انتہائی خوش نظر آرہے ہیں تصاویر میں کترینہ کیف کے گھروالوں کو بھی دیکھا جاسکتا ہے کترینہ نے تصاویر کے ساتھ ’’شکر، صبر اور خوشی‘‘ کا پیغام لکھا۔

کترینہ کیف اور وکی کی شادی،راستے بند کرنے پر مقامی وکیل تھانے پہنچ گیا

واضح رہے کہ کترینہ کیف شادی پر سرخ لہنگے میں روایتی مشرقی دلہن کے روپ میں انتہائی خوبصورت نظر آئیں کترینہ نے شادی پر بھارت کے مشہور ڈیزائنر سبیا ساچی مکھرجی کا ڈیزائنر لہنگا زیب تن کیا تھا، جس میں مٹکا ریشم پر باریک تلے کا کام کیا گیا تھا اس کے علاوہ لہنگے کے بارڈر پر زردوزی کا انتہائی خوبصورت کام بھی تھا۔ ایک بھارتی ویب سائٹ کے مطابق کترینہ کے شادی کے لباس کی قیمت 17 لاکھ روپے ہے۔

کترینہ کی شادی کے لباس کے ساتھ جیولری بھی سبیا ساچی مکھرجی کی ڈیزائن کردہ تھی اداکارہ نے 22 قیراط سونے، ہیرے اور ہاتھ سے جڑے موتیوں کی انتہائی خوبصورت جیولری پہنی۔

کترینہ کے ساتھ ان کے دولہے وکی کوشل کا لباس بھی سبیا ساچی مکھرجی نے ہی تیار کیا تھا وکی نے شادی پر انتہائی خوبصورت سلک شیروانی زیب تن کی تھی جس میں ہاتھ سے تیار کردہ سونے کی پرت چڑھے ہوئے بنگال ٹائیگر بٹن جڑے تھے۔

تاہم بھارتی میڈیا میں جس چیز کی سب سے زیادہ بات کی جارہی ہے وہ کترینہ کیف کی شادی کی انگوٹھی ہے جسےکترینہ کے ہاتھ میں واضح طور پر دیکھا جاسکتا ہےمیڈیا رپورٹس کے مطابق یہ قیمتی انگوٹھی وکی کوشل نے کترینہ کو منگنی پر پہنائی تھی۔

یہ پلاٹینم کی انتہائی خوبصورت انگوٹھی ہے جس میں چھوٹے چھوٹے کئی ہیرے اور درمیان میں ایک نیلے رنگ کا انتہائی خوبصورت ہیرا جڑا ہے۔ اس قیمتی انگوٹھی کی قیمت 7 لاکھ 40 ہزار سے زائد ہے۔

اس کے علاوہ کترینہ کیف نے شادی پر تین ہیرے جڑا، سونے اور کالے موتیوں کی زنجیر والا جو منگل سوترا ( وہ نیکلس جسے ہندو مذہب کی شادیوں میں دولہا دلہن کو پہناتا ہے)پہنا اس کی قیمت 5 لاکھ روپے ہے اور یہ بھی سبیا ساچی برانڈ کا ہی ہے۔

کترینہ کیف کی شادی ،سلمان خان کی سیکیورٹی