ورلڈکپ جیتنے کے لئے ہر حد تک جائیں گے، کیویز کپتان کین ولیمسن

لندن:برطانوی کرکٹ ٹیم کے کپتان کے بعد اب نیوزی لینڈ کرکٹ ٹیم کے کپتان بھی ورلڈ کپ فائنل میں جیت کے لیے اپنا منصوبہ سامنے لے آئے ہیں اور اپنے عزائم سب پر کھول دیئے ہیں.اپنے پیغام میں نیوزی لینڈ کرکٹ ٹیم کے کپتان کین ولیمسن کا کہنا ہے کہ کسی خوش فہمی میں مبتلا ہونے کے بجائے اچھی کرکٹ کھیلیں گے اور فائنل جیتنے کے لئے ہر حد تک جائیں گے۔

کیویز کپتان کین ولیمسن نے کہا کہ مثبت سوچ کے ساتھ جیتنا چاہتے ہیں، تیاری مکمل ہے چار سال میں بہت کچھ تبدیل ہوچکا ہے ،ہماری ٹیم نے پچھلے ورلڈ کپ کی غلطیوں سے بہت کچھ سیکھا ہے۔ بہترین کارکردگی دکھانے اور سوفیصد کارکردگی کی ہر ممکن کوشش کریں گےجبکہ چاربرسوں میں انگلینڈ کی ٹیم بھی دنیا کی بہترین ٹیم ہے، ہماری ٹیم نے بھی اپنی کارکردگی کو بہتر کیا ہے۔ جو ہمارے کنٹرول میں ہوا کریں گے

کین ولیمسن نے اعتراف کیا کہ ہمیں فیورٹ قرار نہیں دیا جارہا یہی ہمارے لئے بہترہے ہمیں اپنی قابلیت کا علم ہے لیکن جیت کی گارنٹی نہیں دے سکتے مگر جیت کے لئے سردھڑ کی بازی لگادیں گے، ہماری ٹیم نے جو کارکردگی دکھائی ہے اس پر فخر ہے، کوشش یہی کہ نتیجہ حاصل کرنے کے لئے جذباتی نہ ہوں اور ٹھنڈے مزاج کے ساتھ کھیلیں۔