خالد مقبول صدیقی کو منانے کے لئے حکومت متحرک، اسد عمر کرینگے اہم ملاقات
باغی ٹی وی کی رپورٹ کے مطابق ایم کیو ایم کے رہنما خالد مقبول صدیقی کے وزارت چھوڑنے کے اعلان کے بعد حکومت کی جانب سے ایم کیو ایم کو منانے کی کوشش شروع کر دی گئی ہے. وفاقی وزیر اسد عمر آج ایم اکیو وفد سے ملاقات کریں گے.
ایم کیو ایم کے تحفظات دور کرنے کیلئے اسد عمر کی قیادت میں وفد آج متحدہ وفد سے ملاقات کرے گا۔ اسد عمر کی زیر صدارت کراچی بحالی کمیٹی کا اجلاس گورنر ہاؤس کراچی میں بلایا گیا ہے جس میں متحدہ نے شرکت نہ کرنے کا فیصلہ کیا ہے۔
اسد عمر وزیراعظم عمران خان کی ہدایت پر ایم کیو ایم وفد سے ملاقات کریں گے اور ان کے تحفظات دور کرنے کی کوشش کریں گے،
واضح رہے کہ گزشتہ روز کنوینرایم کیو ایم پاکستان خالد مقبول صدیقی نے کراچی میں پریس کانفرنس کرتے ہوئے وفاقی وزارت چھوڑنے کا اعلان کیا تھا، انہوں نے شکوہ کرتے ہوئے کہا کہ ہم نے تحریک انصاف کا وفاقی حکومت بنانے میں ساتھ دیا تھا لیکن ہمارے مطالبات پر پیش رفت نہیں ہوئی، تاہم انہوں نے حکومت سے اتحاد ختم کرنے کی افواہوں کی تردید کی تھی
خالد مقبول صدیقی کی اپنی کارکردگی کیا ہے؟ فاروق ستار نے اٹھائے سوالات
