اسلام آباد:خان صاحب آپ نے توامت مسلمہ کوحوصلہ دے دیا:قیادت کریں ہم تمہارے ساتھ ہیں:ترک صدرکاعمران خان کوفون ،اطلاعات کےمطابق ترک صدر رجب طیب اردوان نے وزیراعظم عمران خان کو ٹیلیفون کیا ہے، دونوں رہنماؤں نے اسرائیلی حملے رکوانے کےلیے اقوام متحدہ اور اوآئی سی میں ملکر کام کرنے پر اتفاق کیا ہے۔
ترک صدرطیب اردوان نے وزیراعظم عمران خان کومبارک باد دیتےہوئے کہا کہ آپ کی طرف سے امت مسلمہ کےلیے آوازکا بلند کرنا اوران کی مدد کوپہنچنے کی خواہش کااظہارکرنا ، اس سے امت مسلمہ کے حوصلے بلند ہوگئے ہیں ، ترکی کو بھی آپ کی قیادت پرفخرہے، آگے بڑھیئے ہمیںآپ اپنے ساتھ پائیں گے
تفصیلات کے مطابق ترک صدر رجیب طیب اردوان نے وزیراعظم عمران خان کو ٹیلیفون کیا ہے، دونوں ممالک نے اسرائیل کی طرف سے رمضان المبارک کے دوران مسجد اقصیٰ پر حملے اور غزہ پر ہونے والے بدترین حملوں پر تبادلہ کیا گیا۔ دونوں رہنماؤں نے خطے کی سکیورٹی صورتحال پر بھی تبادلہ خیال کیا گیا۔
دونوں رہنماؤں نے واقعات کو عالمی قانون اور انسانیت کیخلاف قرار دیدیا۔ وزیراعظم عمران خان اور ترک صدر رجب طیب اردوان نے عزم کا اظہار کیا کہ مل کر مظلوم فلسطینیوں پر حملے رکوانے کے لیے اس مسئلے کو مل کر اقوام متحدہ میں اٹھایا جائے گا۔
دونوں رہنماؤں نے دوطرفہ تعلقات کو مزید مستحکم کرنے پر تبادلہ خیال کیا اور اس بات پر اتفاق کیا کہ پاکستان اور ترکی کے مابین اعلی سطح کے تبادلے کی رفتار جاری رہے گی۔
دونوں رہنما اس بات پر متفق ہوئے کہ مسئلہ فلسطین کو عالمی سطح پر اٹھانے کے لیے دونوں ممالک کے وزرائے خارجہ مل کر اقدامات اٹھائیں گے۔
ترکی کے کردار کی تعریف کرتے ہوئے وزیر اعظم نے افغانستان میں انخلا کی اہمیت پر زور دیتے ہوئے کہا کہ پاکستان افغانستان میں پائیدار امن و استحکام کے لئے سیاسی حل کی کوششوں میں ہر ممکن تعاون جاری رکھے گا۔
