باغی ٹی وی کی رپورٹ کے مطابق ایک خاتون نے 11 برسوں میں 8 افراد سے شادی رچائی اور سب کو دھوکہ دیا،شادی کے بعد سب شوہروں کا زیور،نقدی لے کر فرار ہو گئی،پولیس نے مقدمہ درج کر لیا
بھارت کے علاقے کوی نگر سے تعلق رکھنے والے ایک66سالہ کنسٹرکشن کنٹراکٹر خاتون گل کشورمونیکا کا آخری شکار تھے۔ خاتون گل کشور مونیکا بڑی عمر کے مردوں کے ساتھ شادی کرتی تھی اور بعد ازاں انہیں لوٹ کر فرار ہو جاتی، کشور جس نے اپنی بیوی کی موت کے ایک سال بعد اپنی عمر سے 25سال چھوٹی مونیکا سے شادی کی تھی،مگر شادی کے دوماہ بعد ایک روز کشور جب اٹھے تو انہیں گھر خالی ملا۔ٓالماری میں رکھے تمام زیوارت اور 15لاکھ روپئے نقد لے کر مونیکا فرار ہوگئی تھی۔انہوں نے سی سی ٹی وی فوٹیج میں دیکھا کہ مونیکا اپنے ہاتھوں میں ایک بیگ لے کر جارہی ہے۔
ٹائمز آف انڈیا کی رپورٹ کے مطابق کشور نے الزام لگایا ہے کہ جب اس نے میرج بیورو سنٹر جس نے شادی کروائی تھی سے رابطہ کیا تب اس کے مالک نے اس کشور پر فرضی مقدمہ دائرکرانے کی دھمکی دی اور مزید20لاکھ روپے مجھ سے مانگے،
مونیکا کے سابق شوہر کی تلاش کرنے کے بعد کشور کو اس بات کی اطلاع ملی کہ وہ بھی دھوکا کا شکار ہوا ہے،حیرت کی بات یہ ہے کہ مونیکا کے پہلے شوہر کی شادی بھی اسی میرج بیورو نے کروائی تھی،
کشور نے پولیس میں مقدمہ درج کروایا تو تحقیقات میں انکشاف ہوا کہ مونیکا نے پچھلے گیارہ سالوں میں 8 زیادہ عمر کے شہریوں سے شادی کی اور کچھ ہفتوں کے بعد زیورات کے ساتھ نقدی لے کرفرار ہوگئی اور یہ تمام شادیاں ایک ہی میرج بیورو نے کروائیں
دہلی این سی آر میں ریٹائر ڈ گورنمنٹ ملازمین اورکاروباری افراد مونیکا کے نشانے پر رہے ہیں۔ شادی کرانیو الی مذکورہ ایجنسی نے کشور کو بتایا کہ فی الحال دہلی کے ایک ریٹائرڈ جج سے مونیکا کی شادی ہوئی ہے۔ تاہم اس نے مونیکا کا پتہ بتانے سے انکار کیاہے‘ اس کے بجائے کشور کے خلاف جھوٹا مقدمہ درج کرانے کی بھی دھمکی دی ہے۔
کشور کی شکایت پر سٹی پولیس نے مونیکا اور کے خاندان کے علاوہ ایجنسی کے مالک کے خلاف آئی پی سی کی دفعہ 420‘ 419‘ 380‘ 384‘388اور 120بی کے تحت مقدمہ درج کیا ہے اور خاتون کی تلاش جاری ہے،
