مال روڈ پرخاتون کو مبینہ طور پر ہراساں کرنے والا ٹریفک وارڈن معطل

لاہور: مال روڈ پر گاڑی میں اپنی بیٹی کے ساتھ سفر کرتی خاتون کو مبینہ طور پر ہراساں کرنے کے الزام پر ٹریفک پولیس نے سمیع اللہ نامی اہلکار کو معطل کر دیا ہے-

باغی ٹی وی : تفصیلات کے مطابق مریم ایس خان نامی ٹویٹر صارف نے ٹوئٹ میں پیغام جاری کرتے وارڈن کی تصاویر شیئر کیں خاتون کی جانب سے جاری کر دہ تصاویر میں دیکھا جا سکتاہے کہ موٹر سائیکل پر سوار ٹریفک وارڈن گاڑی کے اندر دیکھ رہاہے اور ساتھ میں ہاتھ بھی ہلا رہاہے جیسے اسے ویڈیو بنانے سے کوئی فرق محسوس نہیں ہورہا –

تصاویر شئیر کرتے ہوئے خاتون نے لکھا کہ گزشتہ روز دوپہر کے تقریبا ساڑھے 12 بجے جب میں اپنی بیٹی کے ساتھ گاڑی میں سفرکرتی ہوئی ” جی او آر ون “ کےٹریفک سنگل پرپہنچی تو اس سمیع اللہ نامی ٹریفک وارڈن نےمجھے ہراساں کرنےکی کوشش کی جس کی تصاویر میں جاری کر رہی ہوں-

Here are photos of a traffic police officer named SAMI ULLAH on Mall Road, Lahore at 12.30 pm today, harassing me and my daughter while we were at a traffic light stop before G.O.R. 1. Are you ready to clean up this filth from your ranks @ctplahore or is this not your priority? pic.twitter.com/TDVF7bvNUK

— Dr. Maryam S. Khan (@MaryamShKhan) May 16, 2022

خاتون نے اپنے ٹویٹ میں سٹی ٹریفک پولیس لاہور کو مینشن کرتے ہوئے لکھا کہ کیا آپ اپنی صفوں میں سے یہ گند صاف کرنے کیلئے تیار ہیں یا پھر یہ آپ کی ترجیح نہیں ہے ۔

خاتون کا پیغام سوشل میڈیا پر آنے کے بعد سٹی ٹریفک پولیس کی جانب سے معاملے پر فوری ایکشن لیا گیا اور اہلکار کی نشاندہی کرتے ہوئے اسے معطل کر دیا ،نوٹیفکیشن خاتون صارف کے ٹویٹ کے جواب میں جاری بھی کیا ۔

سی ٹی او لاہور نے اس ٹریفک وارڈن کو فوری طور پر معطل کر دیا ہے اور اس کے خلاف محکمانہ کارروائی کا آغاز کیا جا رہا ہے۔
پنجاب پولیس خواتین کے احترام اور تحفظ کو یقینی بناتی ہے۔ ہراسانی میں ملوث افراد کے خلاف زیرو ٹالرنس پالیسی پر عمل پیرا ہیں. https://t.co/yBS6jYPgbX pic.twitter.com/rpx8FFHODp

— Punjab Police Official (@OfficialDPRPP) May 16, 2022

ٹریفک پولیس کی جانب سے جاری بیان میں کہا گیا کہ سی ٹی او لاہور نے اس ٹریفک وارڈن کو فوری طور پر معطل کر دیا ہے اور اس کے خلاف محکمانہ کارروائی کاآغاز کیا جا رہا ہے۔پنجاب پولیس خواتین کےاحترام اور تحفظ کو یقینی بناتی ہےہراسانی میں ملوث افرادکے خلاف زیرو ٹالرنس پالیسی پر عمل پیرا ہیں۔

Bohat shukria @OfficialDPRPP and @ctplahore https://t.co/t2LgawT5Oz

— Dr. Maryam S. Khan (@MaryamShKhan) May 16, 2022

ٹریفک پولیس کے اس نوٹیفیکیشن اور ایکشن پر شکریہ ادا کیا-