بشریٰ بی بی کے سابقہ شوہر خاور مانیکا کی جسمانی ریمانڈ کے خلاف درخواست خارج

اوکاڑہ: عدالت نے بشریٰ بی بی کے سابقہ شوہر خاور مانیکا کی جسمانی ریمانڈ کے خلاف درخواست خارج کردی۔

باغی ٹی وی:محکمہ اوقاف کی زمین پر ناجائز قبضے کے الزام میں گرفتار خاور مانیکا کو اوکاڑہ کی مقامی عدالت میں پیش کیا گیا جہاں اینٹی کرپشن کیس میں 8 روزہ جسمانی ریمانڈ کے خلاف خاور مانیکا کی درخواست پر سماعت ہوئی ایڈیشنل اینڈ سیشن اوکاڑہ کے جج نعیم شوکت نے کیس کی سماعت کی دوران سماعت جج نےخاور مانیکا کی جسمانی ریمانڈ کے خلاف درخواست خارج کردی-

خاور مانیکا نے 8 روزہ جسمانی ریمانڈ کو عدالت میں چیلنج کر رکھا ہے، وہ جسمانی ریمانڈ پر اینٹی کرپشن پنجاب کی حراست میں ہیں،30 ستمبر کو خاور مانیکا کے جسمانی ریمانڈ کے 8 روزہ خلاف درخواست بغیر کارروائی کے ملتوی کردی گئی تھی، سماعت جج نعیم شوکت کے چھٹی پر ہونے کے باعث ملتوی کی گئی اور درخواست 2 اکتوبر کودوبارہ سماعت کے لئے مقرر کیا گیا تھا۔

نوازشریف کی لندن سے پاکستان واپسی کے لیے ٹکٹ بک

واضح رہے کہ خاوید فرید مانیکا کے خلاف ڈپٹی کمشنر اوکاڑہ نے اینٹی کرپشن میں رواں سال جون میں ایک فوجداری ریفرنس دائر کیا گیا تھا جس میں کہا گیا تھا کہ خاور فرید مانیکا وغیرہ نے محکمہ اوقاف کی زمین پر ناجائز قبضہ کیا ہوا ہے اور اس پر شادی ہال اور دکانیں تعمیر کی ہوئی ہیں خاور فرید مانیکا نے شادی ہال اور دکانوں کا حکومت کو ٹیکس دیا نہ محکمہ اوقات کو کوئی معاوضہ دیا جس کی مالیت لاکھوں میں ہےاینٹی کرپشن نے اس ریفرنس پر خاور فرید مانیکا کو گرفتار کیا، اور بتایا کہ ان پر سرکاری خزانے کو 13 کروڑ 67 لاکھ روپے سے زائد نقصان پہنچانے کا الزام ہے-

پولیس کو ایک ہفتے میں شیخ رشید کو پیش کرنے کا حکم