نیویارک: اقوام متحدہ کے سیکریٹری جنرل انتونیو گوتریس نے کہا ہے کہ موجودہ صورتحال میں سب کو متحد ہونا ہو گا۔
باغی ٹی وی : غیر ملکی خبررساں ادارے کے مطابق اقوام متحدہ کے سیکریٹری جنرل انتونیو گوتریس نے افغانستان کی صورتحال پر منعقدہ سیکیورٹی کونسل کے اجلاس میں کہا کہ خوشی ہے کہ طالبان اقوام متحدہ اور دیگر اداروں سے بہتر طریقے سے پیش آئے ہیں۔
اقوام متحدہ کے سیکریٹری جنرل انتونیو گوتریس نے اقوام متحدہ کی سیکیورٹی کونسل کے اجلاس سے خطاب کرتے ہوئے انہوں نے زور دے کر کہا کہ طالبان عوام کی جان و مال کے تحفظ کو یقینی بنائیں۔
رپورٹ کے مطابق کے مطابق اقوام متحدہ کے سیکریٹری جنرل انتونیو گوتریس نے اپنے خطاب میں کہا کہ موجودہ صورتحال میں سب کو متحد ہونا ہو گا۔
واضح رہے کہاپنے ایک بیان میں ترجمان طالبان سہیل شاہین نے یقین دہانی کرائی کہ ہم تمام سفارت کاروں ، سفارتخانوں ، قونصل خانوں اور خیراتی کارکنوں کو یقین دلاتے ہیں ، چاہے وہ بین الاقوامی ہوں یا قومی کہ آئی ای اے کی جانب سے نہ صرف ان کے لیے کوئی مسئلہ پیدا ہوگا بلکہ ان کو ایک محفوظ ماحول فراہم کیا جائے گا ، انشاء اللہ۔
ان کا کہنا تھا کہ امارت اسلامیہ نے اپنے مجاہدین کو حکم دیا ہے اور ایک بار پھر انہیں ہدایت دی ہے کہ کسی کو بھی اجازت کے بغیر کسی کے گھر میں داخل ہونے کی اجازت نہیں ہے۔ کسی کی جان ، مال اور عزت کو کوئی نقصان نہیں پہنچے گا لیکن مجاہدین کے ذریعے اس کی حفاظت کی جانی چاہیے۔
