پاکستان انٹرنیشنل ائیرلائن (پی آئی اے) نے خواتین فلائٹ اٹینڈنٹس کو مناسب لباس پہننے کا ہدایات جاری کردیں۔
باغی ٹی وی : قومی ایئرلائن کی فلائٹ سروسز کے جنرل منیجر نے ایئرلائن کی ایئر ہوسٹسز کی ڈریسنگ پر اعتراض اٹھایا ہے جبکہ مناسب لباس پہننے کے احکامات بھی جاری کیے گئے ہیں۔
آرمی چیف نے چکلالہ کرکٹ گراونڈ کا افتتاح کر دیا
ہدایات میں کہا گیا ہے کہ گرومنگ انسٹرکٹرز اور سینئر شفٹ انچارجز فلائٹ اٹینڈنٹ کی ڈریسنگ کی نگرانی کریں گے جبکہ ہدایات پر عمل نہ کرنے والے فلائٹ اٹینڈنٹ کے خلاف سخت کارروائی کی جائے گی۔
دوسری جانب اس حوالے سے پی آئی اے کے سینئیر اہلکار عامر بشیر کا کہنا ہے کہ ایئر ہوسٹسز کے اپنے دفاتر پہنچنے، ہوٹلوں میں قیام اور دوسرے شہروں کا سفر کرنے پر ان کے لباس کے بارے میں شکایات موصول ہورہی ہیں ایئر اٹینڈنٹ کا مناسب لباس نہ ہونے کے باعث پی آئی اے کا امیج متاثر کررہا ہے۔
قبل ازیں سول ایوی ایشن اتھارٹی نے پی آئی اے میں کپتانوں اور فضائی میزبانوں سے قوانین کی خلاف ورزی اور زائد ڈیوٹی کا نوٹس لیا تھا
حریم شاہ کو پاکستان واپسی پر گرفتاری سے روکنے کی درخواست خارج
سی اے اے حکام نے پی آئی اے کو جاری نوٹس میں ہوا بازوں کی ڈیوٹیوں میں کمی کرنے کے احکامات جاری کیے تھے ، ڈائریکٹر فلائٹ سٹینڈرڈ کے زیر دستخط جاری احکامات کے مطابق7ماہ کے دوران پی آئی اے کے کپتانوں نے سی اے اے کے اے این او کی خلاف ورزی کی۔
نوٹس میں کہا گیا تھا کہ قومی ایئرلائن کپتانوں نے دیگر آپریٹر کے مقابلے میں سب سے زیادہ ڈیوٹی کی اس وجہ سے بیشتر پروازیں تاخیر کا شکار بھی ہوئیں۔ ایک سال کے دوران 55 پروازوں میں کپتانوں سے 12 گھنٹے سے زائد ڈیوٹی کرائی گئی اضافی ڈیوٹی آکاو قوانین کی خلاف ورزی ہے۔ پی آئی اے عالمی ہوابازی کے قوانین کی مسلسل خلاف ورزی کررہی ہے۔
