خیبرپختونخوا کے ضلع خیبر میں کاؤنٹر ٹیررازم ڈپارٹمنٹ (سی ٹی ڈی) کے اہلکاروں اور دہشتگردوں کے درمیان فائرنگ کے تبادلہ میں 3 دہشت گرد ہلاک ہو گئے۔
باغی ٹی وی: سی ٹی ڈی حکام کے مطابق تھانہ حدود علی مسجد، علاقہ شاہ گئی میں سی ٹی ڈی اہلکاروں اور دہشت گردوں کے درمیان فائرنگ کا تبادلہ ہوا جس میں 3 دہشت گرد مارے گئے ہلاک دہشت گردوں کی لاشوں کو جمرود اسپتال منتقل کردیا گیا ہے،ہلاک دہشت گردوں میں سے 2 کا تعلق تحصیل باڑہ سے ہے جبکہ ایک کی شناخت تاحال نہیں ہو سکی ہے۔
واضح رہے کہ دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں کاروائیاں جاری ہیں قبل ازیں انٹیلی جنس بیسڈ آپریشن کے دوران 5 دہشت گرد خواتین گرفتار کر لی گئی ہیں، کارروائی کے دوران لاہور سے 3 اور شخیوپورہ سے 2 خواتین کو گرفتار کیا گیا،ترجمان سی ٹی ڈی کے مطابق گرفتار دہشت گرد خواتین کا تعلق کالعدم داعش سے ہے دہشت گردوں سے خفاظتی فیوذ ۔ممنوعہ کتابیں موبائل فون ،اسلحہ اور نقدی برآمد کی گئی ہے-
پنجاب سے پانچ دہشتگرد خواتین گرفتار،کوئٹہ میں آٹھ دہشتگرد جہنم واصل
ترجمان سی ٹی ڈی کے مطابق دہشت گردوں خواتین کی شناحت فاخرہ ،سعدیہ، ایمن،جویریہ ،اور فاعذہ کے نام سے ہوئی، ان کے خلاف مقدمات درج کرکے تفتیش جاری ہے، رواں ہفتے308 کومبنگ آپریشنز کے دوران 76 مشتبہ افراد گرفتار کیے ، کومبنگ آپریشنز میں 15225 افراد سے پوچھ کچھ کی گئی ، سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں-
سی ٹی ڈی کے اہلکار بھی ڈکیتی کی وارداتوں میں ملوث نکلے
دوسری جانب بلوچستان کے دارالحکومت کوئٹہ میں سی ٹی ڈی نے دو الگ الگ کاروائیوں میں تین مبینہ اغوا کاروں سمیت آٹھ دہشت گردوں کو جہنم واصل کیا ہے، ترجمان سی ٹی ڈی کے مطابق کوئٹہ میں اغوا برائے تاوان کے ملزمان کے خلاف کارروائی کی گئی فائرنگ کے تبادلے میں 3 مبینہ اغوا کار ہلاک ہو گئے اغوا کاروں کے قبضے سے مغوی بچہ بازیاب کروا لیا گیا ہے اغوا کاروں کے قبضے سے اسلحہ و گولہ بارود برآمد ہوا ہے، ہلاک ملزمان کا تعلق کالعدم تنظیم سے ہے-
بنوں میں شہید ہونیوالے9 شہدا کو ان کے آبائی علاقوں میں سپرد خاک کردیا گیا
ایک اور کاروائی میں کوئٹہ کے علاقے بسیمہ میں سی ٹی ڈی اہلکاروں کے ساتھ فائرنگ کے تبادلے میں 5 مبینہ حملہ آور جہنم واصل ہو گئے تھے، حملہ آوروں کے زیر استعمال گھر سے اسلحہ وگولہ بارود برآمد کرلیا گیا تھا-
