+9251
بالی وڈ کی خوبصورت اور باصلاحیت اداکارہ کیارا ایڈوانی نے اپنے حالیہ انٹرویو میںکہا ہے کہ میں سمجھتی ہوں کہ ایکٹر کی ایکٹنگ لائف لوگوں کے سامنے ہونی چاہیے ذاتی نہیں ، میںاپنی نجی زندگی کو پرائیویٹ رکھنا پسند کرتی ہوں.
انہوں نے آخر کار یہ بھی بتا دیا ہے کہ وہ اور ان کے شوہر سدھارتھ ملہوترہ کیوں اپنی ذاتی زندگی کے معاملات کو بالکل پرائیویٹ رکھتے ہیں؟
انہوں نے کہا کہ ہمیںلگتا ہے کہ نجی زندگی کو جتنا عام کریں گے اتنا ہی ہمارے درمیان غلط فہمیاںپیدا ہوں گی. انہوں نے مزید کہا کہ اپنی ذاتی زندگی کے معاملات پر بہت زیادہ فوکس اور اسے کھلے عام رکھنے سے بطور اداکارہ میری توجہ بٹ سکتی ہے۔ میری پہلی ترجیح خود کو اداکارہ کے طور پر منوانا ہے۔ ہماری شادی سے قبل یہ اہم تھا کہ ہم اپنے تعلقات کو محفوظ رکھیں۔کیارا نے کہا کہ” میں اور سدھارتھ دونوں سیلف میڈ ہیں” اور سخت محنت اور جدوجہد سے اس مقام تک پہنچے ہیں، لہٰذا ہم نہیں چاہتے کہ ہماری ذاتی زندگی کا ہمارے پروفیشنل کیریئر کی کامیابیوں پر سایہ پڑے۔انہوں نے کہاکہ سدھارتھ اور میںایک خوشحال زندگی بسر کررہے ہیں.
