ڈاکٹرز میاں بیوی پر قتل کرکے نعش ویران گھرمیں پھینکنے کا شبہ

رحیم یارخان( )ڈاکٹرزمیاں بیوی کے گھر کام کرنے والی 50سالہ ملازمہ کی نعش15روز بعد ورثاءنے شناخت کرلی ڈاکٹرز میاں بیوی پر قتل کرکے نعش ویران گھرمیں پھینکنے کا شبہ پولیس نے ورثاءکی شکایت پر نعش پوسٹ مارٹم کیلئے سردخانہ منتقل کردی ۔تفصیل کے مطابق سردار کالونی کی رہائشی50سالہ آمنہ بی بی جوکہ نیو آفیسرز کالونی کے رہائشی ڈاکٹر جام ریاض اور ڈاکٹر عابدہ ریاض کے گھر گھریلو ملازمہ تھی 9جولائی کو 50سالہ آمنہ پراسرار طور پر لاپتہ ہوگئی جس پر ورثاءقریبی رشتہ داروں کے گھر تلاش کرتے رہے تاہم 9جولائی کی شب ہی ویران گھر جوکہ ڈاکٹر جام ریاض اور ڈاکٹر عابدہ ریاض کے گھر کے ملحقہ تھا سے نامعلوم خاتون کی نعش برآمد ہوئی تھی جسے پولیس نے تحویل میں لے کر لاوارث قرار د ے کر ہسپتال کے سردخانہ منتقل کردیا تھا گزشتہ روز آمنہ بی بی کے ورثاءکو معلوم ہوا کہ ہسپتال کے سردخانہ میں نامعلوم خاتون کی نعش پڑی ہے جس پر ورثاءنے ہسپتال کے سردخانہ پہنچ کر آمنہ کی شناخت کرلی اور شبہ ظاہر کیا کہ آمنہ کو ڈاکٹر جام ریاض اور اس کی بیوی ڈاکٹر عابدہ ریاض نے قتل کرنے کے بعد نعش ویران گھر میں پھینک دی تھی لاپتہ ہونے کے دوران ڈاکٹر جام ریاض اپنی بیوی ڈاکٹر عابدہ ریاض کے ہمراہ آمنہ بی بی کے ورثاءکو یقین دلاتا رہا کہ اس کے لاپتہ ہونے میں اس کا کوئی تعلق واسطہ نہ ہے جبکہ مقتولہ آمنہ بی بی گزشتہ 3ماہ سے ڈاکٹر جام ریاض اور ڈاکٹر عابدہ ریاض کے گھر میں ہی رہائش پذیر تھی ورثاءکی شکایت پر پولیس نے نعش پوسٹ مارٹم کیلئے ہسپتال کے سردخانہ منتقل کردی ہے۔ واضح رہے کہ مقتولہ آمنہ 2بچوں کی ماں تھی جبکہ اس کا شوہر چند سال قبل اسے چھوڑکر دوسری شادی رچاچکا ہے۔