اداکار عمران اشرف جنہوں نےڈرامہ سیریل رانجھا رانجھا کر دی سے شہرت سمیٹی ، انہوں نے کرن اشفاق سے محبت کی شادی کی ، اور شادی کے بعد ان کے ہاں ایک بیٹا پیدا ہوا، لیکن عمران اشرف اور ان کی اہلیہ کے درمیان معاملات کی خرابی ہونے لگی ، جس کے بعد ان کی طلاق کی خبریں گردش کرنے لگیں ، لیکن عمران اشرف نے ان خبروں کو جھوٹا قرار دیدیا. لیکن بعد ازاں انہوں نے طلاق انائونس کر دی، کرن اشفاق طلاق کے بعد سوشل میڈیا پر کافی متحرک رہتی ہیں اور اپنی تصاویر اور وڈیوز اپلوڈ کرتی رہتی ہیں.
کرن اشفاق جو وڈیو اور تصاویر اپلوڈ کرتی ہیں ان کے کیپشن ایسے لکھتی ہیں کہ جس سے لگتاہے کہ وہ عمران اشرف پر طنز کر رہی ہیں. انہوں نے حال ہی میں جو تصاویر سوشل میڈیا پر جاری کی ہیں ان کا کیپشن یہ لکھا ہے کہ میں اب اپنے لئے زندگی جیوں گی، میں سب سے کہنا چاہتی ہوں کہ خود کے لئے جئیں کسی کے لئے خود کو نہ بدلیں ، میںنے یہ غلطی کی تھی لیکن اب میںاپنی زندگی صرف اپنے لئے جیوں گی کسی مرد کے لئے خود کو تبدیل نہیں کروں گی .