بالی وڈ اداکار رنبیر کپور نے حال ہی میں انکشاف کرتے ہوئے کہا ہے کہ شاہ رخ خان اور کاجول کی فلم دل والے دلہنیا لے جائیں گے نے میری زندگی کو بدل کر رکھ دیا اس فلم کے سحر میں آج تک مبتلا ہوں . اسی فلم کے بعد مجھے سمجھ میں آئی کہ کیسے جینا ہے کیسے لوگوں کے ساتھ ملنا ہے. کیسے لڑکیوں سے بات کرنی ہے کیسے والدین کے ساتھ رہنا ہے. رنبیر کپور نے کہا کہ اس فلم کا ایک ایک سین مجھے آج تک یاد ہے ، اس فلم کا میوزک ہو کہانی ہو یا اداکاری ہر چیز متاثر کن تھی، ایسی فلمیں بہت کم بنتی ہیں جن کا سحر سال ہا سال کے بعد بھی برقرار ہو ، دل والے دلہنیا لے جائیں گے انہی میں سے ایک فلم ہے.
رنبیر کپور نے کہا کہ عالیہ بھٹ جب سے میری زندگی میں آئی ہے میری تو زندگی ہی بدل گئی ہے. یاد رہے کہ رنبیر کپور عالیہ بھٹ سے پہلے کترینہ کیف کے ساتھ دو سال تک رہتے رہے لیکن اچانک ہی دونوں میں ان بن ہوئی اور دونوں نے اپنے راستے الگ کر لئے. اس سے پہلے ان کا نام دیپیکا پڈوکون کے ساتھ جڑا ، لیکن ان کے ساتھ بھی ان کی دوستی شادی تک نہ پہنچی.
