طیفی بٹ بہنوئی قتل کیس، کس کے کہنے پر قتل کیا،شوٹر نے نام بتا دیا

طیفی بٹ کے بہنوئی جاوید بٹ کے قتل کیس میں گرفتار ملزم نے اہم انکشافات کئے ہیں

گرفتار ملزم نے دوران تحقیقات انکشاف کیا کہ انہوں نے جاوید بٹ کو ٹیپو ٹرکاں والے کے بیٹے امیر معصب کے کہنے پر قتل کیا،ڈی آئی جی عمران کشور نے کیس کی تفصیلات بارے بات کرتے ہوئے کہا کہ جاوید بٹ قتل کیس میں گرفتار ملزمان نے اعتراف کیا کہ جاوید بٹ کے قتل کی ڈیل پانچ لاکھ نقد اور دو گھروں کے عوض ہوئی تھی،شوٹر اظہر اور الیاس امیر معصب سے رابطے میں تھے، شوٹرز کی ملاقات عارف نے کروائی تھی، عارف پتوکی کا رہائشی ہے جس کو پولیس ابھی تک گرفتار نہیں کر سکی، عارف امیر مصعب کے پاس ملازم بھی رہ چکا ہے، پولیس نے ملزمان کو سیف سٹی کیمروں کی مدد سے گرفتار کیا گیا۔

عمران کشور کا کہنا تھا کہ امیر معصب جاوید بٹ کے قتل سے 6 روز قبل بیرون ملک چلا گیا تھا، دونوں شوٹرز قتل سے پہلے اور بعد میں امیر معصب سے رابطے میں تھے،جاوید بٹ کو قتل کرنے والے شوٹر اظہر کو خیبر پختونخوا سے گرفتار کیا گیا ہے، ملزم اظہر واقعہ کے بعد فرار ہو گیا تھا، ملزم اظہر نے ہی جاوید بٹ پر گولیاں چلائی تھیں،ملزم سابقہ ریکارڈ یافتہ اور عادی مجرم ہے، جاوید بٹ قتل کے لیے شوٹر اظہر نے باقاعدہ ریکی کی تھی، اظہر کے ساتھ ایک اور ملزم کو بھی گرفتار کیا گیا ہے،

واضح رہے کہ کچھ روز قبل جاوید بٹ کے قتل کی سی سی ٹی وی فوٹیجز سامنے آئی تھیں جس میں کل شوٹرز دیکھے گئے تھے ،پولیس حکام کے مطابق جاوید بٹ کے قتل کے لیے رکشے اور موٹر سائیکل کا استعمال کیا گیا تھا۔فوٹیجز میں دیکھا گیا تھا کہ ہما بلاک میں جاوید بٹ کی رہائش گاہ کے باہر مین روڑ پر رکشہ کھڑا ہوا، مقتول اہلیہ کے ساتھ نکلا تو رکشے نے ریکی کی، موٹر سائیکل اور رکشہ جاوید بٹ کی گاڑی کے ساتھ ریکی کرتے آیا، ایف سی انڈر پاس کے قریب رکشے نے مقتول کی گاڑی روکی جبکہ موٹر سائیکل سوار شوٹر نے فائرنگ کی، موٹر سائیکل سوار بغیر ہیلمٹ جبکہ پیچھے بیٹھے شوٹر نے ہیلمٹ پہن رکھا تھا، فائرنگ کے بعد موٹر سائیکل سوار اتر کر رکشے میں بیٹھا جبکہ پیچھے ہیلمٹ پہن کر بیٹھا شوٹر موٹر سائیکل لے کر فرار ہوا.

قبل ازیں جاوید بٹ کے قتل مقدمے کے نامزد ملزم امیر فتح کا ویڈیو بیان منظر عام پرآیا جس میں امیر فتح کا کہنا تھا کہ میرا یا میرے گھر کے کسی فرد کا جاوید بٹ کے قتل سے کوئی تعلق نہیں،جاوید بٹ کے قتل کے مقدمے میں مجھے اور قیصر بٹ کو جان بوجھ کر نامزد کیا گیا،طیفی بٹ ہم پر قتل کا جھوٹا مقدمہ درج کروا کہ امیر بالاج ٹیپو کے مقدمے کی پیروی ختم کرنا چاہتا ہے،ہمیں یقین ہے کہ حکومت اور پنجاب پولیس ہمیں انصاف فراہم کرے گی

واضح رہے کہ لاہور تھانہ اچھرہ کی حدود میں طیفی بٹ کے بہنوئی جاوید بٹ کے قتل کا مقدمہ مقتول کے بیٹے حمزہ بٹ کی مدعیت میں درج کر لیا گیا،مقدمہ میں امیر بالاج کے بھائی امیر فتح،قیصر بٹ سمیت دو نامعلوم ملزمان نامزد کئے گئے ہیں،درج مقدمے کے مطابق سائل کی والدہ کو علاج کے لئے سروسز ہسپتال منتقل کیا گیا،میری والدہ ہوش و حواس میں ہیں، نے سوا دو بجے کال کر کے مجھے سارے واقعہ کے بارے میں بتایا،سائل اپنے ملازم راحت کے ہمراہ موقع پر پہنچاسائل کی والدہ نے ملزمان کو دیکھا اور پہچان لیا،والدہ نے بتایا کہ امیر فتح اور قیصر بٹ دونامعلوم موٹر سائیکل سواروں کے پیچھے سوار تھے جنہوں نے گولیاں چلائیں،ملزمان کے خلاف مقدمہ درج کیا جائے

واضح رہے کہ لاہور کے علاقے مسلم ٹاؤن میں شوٹرز نے پراڈو جیپ پر فائرنگ کی تھی،شوٹرز کی فائرنگ سے معروف طیفی بٹ کا بہنوئی جاوید بٹ قتل، بیوی زخمی ہو گئی،واقعہ کے بعد شوٹرز فرار ہو گئے، مرنے والے کی شناخت جاوید کے نام سے ہوئی ہے،پولیس کے مطابق مرنے والا طیفی بٹ کا بہنوئی بتایا گیا ہے

واضح رہے کہ کچھ عرصہ قبل ٹیپو کا بیٹا امیر بالاچ قتل ہوا تھا ،بالاج کا مقدمہ طیفی بٹ کے خلاف درج ہوا تھا ،پولیس کا کہنا ہے کہ مقتول محمد جاوید بٹ اقبال ٹاؤن کے رہائشی تھے، تحقیقات جاری ہیں، اور اس قتل کے پیچھے ممکنہ وجوہات اور ملزمان کا پتہ لگانے کی کوششیں کی جا رہی ہیں۔

امیر بالاج ٹیپو قتل کیس، احسن شاہ کے گھر سے رقم برآمد،ایک اور مبینہ ملزم گرفتار

امیر بالاج قتل کیس، شوٹر مظفر مالشیا نہیں بلکہ طیفی بٹ کا گن مین تھا

امیر بالاج کو قتل کرنے والی ٹیم کے سرغنہ کی شناخت

امیر بالاج ٹیپو قتل کیس،ایک اور موبائیل فوٹیج،ایک اور ملزم سامنے آ گیا

امیر بالاج ٹیپو قتل کیس،ایک اور حملہ آور گرفتار،تحقیقاتی ٹیم تشکیل

امیر بالاج ٹیپو قتل کیس،اہم پیشرفت،ریکی کرنیوالا دوست گرفتار

امیر بالاج ٹیپو قتل کیس: نامزد ملزم طیفی بٹ کی گرفتاری کیلئے انٹر پول سے رابطہ

امیر بالاج ٹیپو قتل کیس،حملہ آور کی لاش ورثا کے حوالے

ٹیپو ٹرکاں والا کا بیٹا امیر بالاج قتل،طیفی بٹ مقدمے میں نامزد