غلامی سے بہتر موت،کسی سے بھی مل سکتا ہوں، عمران خان

190 ملین پاؤنڈ اسکینڈل کیس کی سماعت 17 اپریل تک ملتوی کر دی گئی

کیس کی سماعت اڈیالہ جیل میں ہوئی، بشریٰ بی بی کو بنی گالہ سے اڈیالہ منتقل کیا گیا،وکلاء صفائی کی جانب سے نیب کے 3 گواہان پر جرح مکمل کر لی گئی،مجموعی طور پر 12 گواہان کے بیانات قلمبند جبکہ 7 پر جرح مکمل کی جا چکی ہے

بانی پی ٹی آئی عمران خان کی جانب سے بشری بی بی کی انڈسکوپی کے لیے درخواست دائر کر دی گئی ،نیب کی جانب سے سردار مظفر عباسی،امجد پرویز ، سہیل عارف اور چوہدری نذر عدالت پیش ہوئے ،بانی پی ٹی آئی کی جانب سے ظہیر عباس چودھری عدالت پیش ہوئے،کیس کی سماعت احتساب عدالت کے جج ناصر جاوید رانا نے اڈیالہ جیل میں کی

جب مجھے پکڑا گیا تو پولیس میرے بیڈ روم سے …عمران خان کا سنگین الزام
عدالت پیشی کے موقع پر عمران خان نے صحافیوں سے بات کرتےہوئے کہا کہ گراف جولری سیٹ کی مالیت تین ارب ظاہر کر کے ہمیں سزا دی گئی، ہم نے گراف جولری سیٹ کی مزید تین جگہ سے کوٹیشن لے لی ہے، کوٹیشنز کے مطابق گراف جولری سیٹ کی قیمت ایک کروڑ 80 لاکھ روپے بنتی ہے،توشہ خانہ میں سزا دلوانے کے لیے دبئی میں پارٹ ٹائم سیلز مین سے گراف جولری سیٹ کی مالیت کا تخمینہ لگوایا گیا، انعام شاہ اور توشہ خانہ کے ایک ملازم کو میرے خلاف وعدہ معاف گواہ بنایا گیا،اگست میں جب مجھے پکڑا گیا تو پولیس میرے بیڈ روم میں داخل ہوئی وہاں سے میرا پاسپورٹ اور چیک بک بھی لے لیے گئے، بشریٰ بی بی نے بنی گالہ میں موجود قیمتی اشیاء کو اسی وجہ سے کہیں اور منتقل کر دیا تھا،

پرویز الٰہی اور شاہ محمود قریشی آج پریس کانفرنس کر دیں تو ان کے کیسز ختم ہو جائیں گے،عمران خان
عمران خان کا مزید کہنا تھا کہ تمام ججز کو معلوم ہے کیا ہوتا ہے،ملک میں رول آف لاء بچانے کی ذمہ داری اب ججز پر ہے، آج جو عدالتوں کا حال ہے،تمام ججز جوابدہ ہیں،جس طرح اسلام آبادہائیکورٹ کے6 ججزکھڑے ہوئے ان کو سلام پیش کرتاہوں، ججز اس ملک کو بچائیں ،قوم ان کی طرف دیکھ رہی ہے ،ججز نے قانون کی بالادستی کو قائم کرنا ہے تو ہی ملک میں سرمایہ کاری آنی ہے،جس ملک میں ججز کو دھمکیاں مل رہی ہوں وہاں کون سرمایہ کاری کرے گا،میں پوری قربانی دوں گا،میں آج سیاست سے پیچھے ہو جاؤں تو سب ٹھیک ہو جائے گا، نون لیگ کا جنازہ نکلے گا جب قوم پر مہنگائی کی جائے گی، رولنگ اشرافیہ کو کوئی فرق نہیں پڑتا ان کا سارا پیسہ بیرون ملک ہے،پرویز الٰہی اور شاہ محمود قریشی آج پریس کانفرنس کر دیں تو ان کے کیسز ختم ہو جائیں گے،اِس وقت جتنی تگڑی جماعت پی ٹی ائی ہے اتنی تگڑی جماعت اور کوئی نہیں، آج دوبارہ الیکشن کروا لیں دوبارہ سب کو پتہ چل جائے گا، حکومت گرانے کے باوجود دو مرتبہ جنرل باجوہ سے مل سکتا ہوں تو کسی سے بھی مل سکتا ہوں،

سیف اللہ نیازی تو ہمارا سینیٹر ہے اس پر تو تشدد کیا گیا تھا میری اس سے زیادہ بات نہیں ہوئی فواد چوہدری پر بھی تشدد کیا گیا کہ وہ میرے خلاف سلطانی گواہ بن جائے لیکن وہ نہیں بنا، شاہ محمود اور پرویز الٰہی آج پریس کانفرنس کر دیں تو ان کو چھوڑ دیں گے پہلے دن کہا تھا جن پر تشدد ہوا پارٹی چھوڑ گئے ان کو واپس لینے کا سوچ سکتے ہیں لیکن جو پارٹی چھوڑ کر دوسری پارٹیوں میں چلے گئے ان کی کوئی واپسی نہیں .جو ایسٹ پاکستان میں ہوا وہی آج ہو رہا ہے، مشرقی پاکستان میں مجیب الرحمن کا مینڈیٹ چوری کر کے ملک توڑا گیا، مجیب الرحمن کی اکثریت سے یحیی خان کی طاقت ختم ہو جاتی، حمود الرحمن کمیشن رپورٹ میں لکھا ہے کہ مجیب الرحمن الیکشن جیت گیا تھا مشرقی پاکستان کی طرح اب بھی ہمارا مینڈیٹ کم کر کے ہمیں کنٹرول کرنے کی کوشش کی جا رہی ہے،شہباز شریف فیتے کاٹتا پھر رہا ہے اس کے پاس کوئی طاقت نہیں ہے، ملک کا معاشی طور پر بیڑا غرق ہونے لگا ہے،علی زیدی بھی رابطے میں تھا اس کے ذریعے بھی پیغام دیا تھا کہ نیوٹرل رہیں اور ملک کو چلنے دیں، ہمیں کہا گیا کہ فکر نہ کرو وہ نیوٹرل رہیں گے،ہمیں غدار بنایا گیا نو مئی میں پھنسایا گیا لیکن قوم نے 8 فروری کو بتا دیا کہ وہ کہاں کھڑی ہے،کئی ججز محسن نقوی ،چیف الیکشن کمشنر اور نگران حکومت لندن پلان کا حصہ تھے، جنرل یحیی نے بھی اپنی طاقت کے لیے ملک کو تباہ کیا تھا، جنرل یحیی مجیب سے بات کر لیتا تو سرنڈر نہ کرنا پڑتا، 1971 میں ملک ٹوٹا آج ملک کی معاشی کمر ٹوٹنے لگی ہے،

ایک اور مدرسہ، ایک اور جنسی سیکنڈل،ایک دو نہیں ،کئی بچوں سے بدفعلی

واش روم میں نہاتی خاتون کی موبائل سے ویڈیو بنانے والا پولیس اہلکار پکڑا گیا

گھناؤنا کام کرنیوالی خواتین پولیس کے ہتھے چڑھ گئیں

پشاور کی سڑکوں پر شرٹ اتار کر گاڑی میں سفر کرنیوالی لڑکی کی ویڈیو وائرل

دولہا کے سب ارمان مٹی میں مل گئے، دلہن نے کیوں کیا اچانک انکار؟

شادی شدہ خاتون سے معاشقہ،نوجوان کے ساتھ کی گئی بدفعلی،خاتون نے بنائی ویڈیو

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

اس وقت بادشاہ پیچھے بیٹھا ہوا ہے اور محسن نقوی وائسرائے بنا ہوا ہے،عمران خان
عمران خان کا مزید کہنا تھا کہ زرداری اور نواز شریف نے توشہ خانہ سے گاڑیاں لی ان کا کیس کیوں نہیں سنا جا رہا، آصف زرداری اور شریف فیملی کے اربوں ڈالر بیرون ملک پڑے ہوئے ہیں، آصف زرداری نے بیان دیا کہ ایک سیاسی جماعت فوج کا امیج خراب کر رہی ہے، جب ہم اقتدار میں تھے تو فوج کا امیج اسمان پر تھا،ملک کا معاشی طور پر بیڑا غرق ہونے لگا ہے،اس وقت بادشاہ پیچھے بیٹھا ہوا ہے اور محسن نقوی وائسرائے بنا ہوا ہے،

18 مارچ کو مجھے جوڈیشل کمپلیکس میں قتل کرنے کا منصوبہ تھا،عمران خان کا انکشاف
عمران خان کا مزید کہنا تھا کہ 18 مارچ کو مجھے جوڈیشل کمپلیکس میں قتل کرنے کا منصوبہ تھا،24 گھنٹے پہلے ہی جوڈیشل کمپلیکس کو ٹیک اوور کر لیا گیا تھا،سادہ کپڑوں میں ملبوس بہت سے لوگ جوڈیشل کمپلیکس میں موجود تھے،کیوں جوڈیشل کمپلیکس کی سی سی ٹی وی فوٹیج سامنے نہیں لائی جا رہی،

قاضی فائز عیسی سے انصاف کی امید کے سوال پر عمران خان خاموش
عمران خان سے صحافی نے سوال کیا کہ بشری بی بی نے کہا کہ پارٹی کے اندر کچھ لوگ ان پر امریکی ایجنٹ ہونے کا الزام لگارہے ہیں ۔ عمران خان نے جواب دیتےہوئے کہا کہ ہمارے کچھ لوگ اسٹیبلشمنٹ سے رابطے میں ہیں جو پارٹی کو توڑنا چاہتے ہیں وہی بشری بی بی پر بھی الزام لگارہے ہیں ،عمران خان سے سوال کیا گیا کہ کیا یہی وجہ ہے کہ پارٹی کے اندر بنائی جانے والی کمیٹیوں کی تشکیل نو ہو رہی ہے ۔ عمران خان نے جواب دیا کہ کمیٹیوں کی تشکیل روزمرہ کے سیاسی معاملات کیلئے بنائی گئی ہیں حتمی فیصلے کور کمیٹی ہی کرے گی، صحافی نے سوال کیا کہ بشری بی بی نے پہلے شہد میں کچھ ملانے کا کہا آپ نے زہر دینے کا کہا بشری بی بی نے دوبارہ کھانے میں ہارپک ملانے کا کہا ۔عمران خان نے جواب دیتے ہوئے کہا کہ جب تک بشری بی بی کی انڈسکوپی نہیں ہوتی کیسے کچھ پتہ چل سکتا ہے ۔ جب کوئی چیز اندر چلی گئی تو بظاہر دیکھنے سے کچھ معلوم نہیں ہو سکتا ، عمران خان سے صحافی نے سوال کیا کہ آپ کا وزیراعلی کور کمانڈر ہاؤس میٹنگ کے لئے گیا کیا یہ آپ کی پالیسی کا حصہ ہے ؟ عمران خان نے جواب دیتے ہوئے کہا کہ میں فوج کے خلاف نہیں ہوں اگر فوج کے خلاف ہوتا تو اس وقت ہوتا جب رجیم جینچ ہوئی مجھے پتہ تھا باجوہ ڈبل گیم کر رہا میں باجوہ سے ملا اس کو ڈی نوٹی فائی کر سکتا تھا نہیں کیا ، صحافی نے سوال کیا کہ کیا آپ کو قاضی فائز عیسی سے انصاف کی امید ہے ؟ سوال پر عمران خان کچھ دیر خاموش رہے اوربولے قوم سب کچھ دیکھ رہی ہے میں اس پر کوئی رائے دینا نہیں چاہتا،آج ملک بدل چکا ہے اور لوگوں میں شعور آ چکا ہے، میں کسی کی غلامی قبول نہیں کرتا غلامی سے بہتر موت ہے،

جنرل عاصم منیر کی تقرری سے پہلے پیغام بھجوایا تھا، عمران خان
عمران خان کا مزید کہنا تھا کہ جنرل عاصم منیر کی تقرری سے پہلے عارف علوی کے ذریعے پیغام بھیجا تھا کہ ہم تمہارے مخالف نہیں، میں نے عارف علوی کے ذریعے عاصم منیر کو ٹیلی فون کروایا تھا کہ مجھے لندن پلان کے بارے میں معلوم ہے۔