کلسٹربموں پر کشیمری عوام کا بڑا ردعمل…؟ اس رپورٹ میں جانیے

کشمیریوں پر کلسٹر بموں کا حملہ قابل مذمت،اقوام متحدہ کی خاموشی بڑی غفلت ہے، بابر اعوان

لاہور ۔ 5 اگست(اے پی پی )تحریک انصاف کے رہنما،سابق وفاقی وزیر قانون ڈاکٹر بابر اعوان نے کہا ہے کہ بھارت کا کشمیریوں پر کلسٹر بموں کا حملہ قابل مذمت ہے،اس معاملے پر اقوام متحدہ کی خاموشی بڑی غفلت ہے ۔ وہ گزشتہ روز لاہور ہائی کورٹ بار میں میڈیا سے گفتگو کررہے تھے ۔ انہوں نے کہا کہ بھارت سرحدکے اس پار یا اس پار ایڈونچر کا نہ سوچے،اسکی ایسی کسی بھی کوشش کا جواب;34; ابھی نندن;34; پارٹ ٹو کی شکل میں دیا جائے گا ۔ ڈاکٹر بابر اعوان نے کہا کہ ثالثی کی امریکی پیشکش کے جواب میں کلسٹر بموں کا حملہ بھارتی ہٹ دھرمی کو ظاہر کرتا ہے ۔

انہوں نے کہا کہ پی ٹی آئی کی حکومت میں بھارت سے کشمیر کے مسئلے پر کوئی بھی خفیہ بات چیت نہیں ہو گی، ثالثی کا معنی ہی میز پر آمنے سامنے بیٹھ کر حق رائے دہی کےلئے کھلے عام بات چیت ہے ۔ ڈاکٹر بابر اعوان نے کہا کہ بھارت کشمیر کے مسئلے کو اپنی ہٹ دھرمی سے زیادہ دیر تک نہیں دبا سکتا، حکومت کشمیریوں پر بھارتی جارحیت کے خلاف معاملہ او آئی سی کے سامنے اٹھانے جا رہی ہے،او آئی سی کے پلیٹ فارم سے اقوام متحدہ کی توجہ مسئلہ کشمیر کی طرف مبذول کرائی جائے گی ۔ قبل ازیں لاہور ہائیکورٹ بار کے دورے کے موقع پر ڈاکٹر بابر اعوان نے بار کے عہدیداروں سے ملاقات کی ۔ اس موقع پرقانون دان ساجد منور قریشی، ساجد بشیر، پیرمسعود چشتی، رمضان چوہدری و دیگر نے ڈاکٹر بابر اعوان کا استقبال کیا اور بات میں آنے پر خوش آمدید کہا ۔