کوہاٹ پولیس کی بڑی کارروائیاں جاری ،اسلحہ سمگلر گرفتار

کوہاٹ، درہ آدم خیل پولیس نے بڑی تعداد میں اسلحہ و ایمونیشن سمگل کرنے کی کوشش ناکام بنادی ہے۔کاروائی میں بین الصوبائی اسلحہ سمگلر نور باز سکنہ آکا خیل ضلع خیبر کو گرفتار کرلیا گیا ہے۔پکڑے جانے والے ہتھیاروں میں 3کلاشنکوف، 1 کلاکوف،1 رائفل،1 ایم پی فائیو گن، 2پستول اور 10 ہزار سے زائد کارتوس شامل ہیں۔

ایچ او درہ آدم خیل محمد جابر اور انکی پولیس ٹیم کی طرف سے عمل میں لائی گئی ۔انٹیلی جنس بیسڈ کاروائی کا انعقاد انڈس ہائی پرایگل فورٹ کے قریب ناکہ بندی کرتے ہوئے کیا گیا۔ اسلحے کی بھاری کھیپ موٹر کار کے خفیہ خانوں میں چھپا کر سمگل کی جارہی تھی۔غیر قانونی ہتھیارسمگل کرتے ہوئے پکڑے گئے اسلحہ سمگلر کے خلاف تھانہ درہ آدم خیل میں مقدمہ درج کر لیا گیا ہے۔