‏کوئی ازخود نوٹس نہیں لیا،ترجمان سپریم کورٹ کی تردید

سندھ ہاوس پر حملے پر سپریم کورٹ کے ازخود نوٹس کی خبر کا معاملہ،ترجمان سپریم کورٹ نے تصدیق کر دی-

باغی ٹی وی : ‏رجسٹرار آفس‏ سے جاری بیان کے مطابق سپریم کورٹ نےسندھ ہاؤس پر حملے کا کوئی ازخود نوٹس نہیں لیا –

ترجمان سپریم کورٹ نے کہا کہ مختلف چینلز نے سندھ ہا ؤس پر حملے سے متعلق ازخود نوٹس کی خبر چلائی تھی-

ارکان قومی اسمبلی پر حملےعمران نیازی کی ملک کو خانہ جنگی میں دھکیلنے کی سازش ہے،شہباز شریف

واضح رہے کہ خبریں سامنے آئیں تھیں کہ سندھ ہاؤس پر پی ٹی آئی کے اراکین کے حملے کا معاملہ ،چیف جسٹس پاکستان عمر عطاء بندیال نےواقعے کا از خود نوٹس لے لیا ہے-

خبروں کے مطابق چیف جسٹس عمرعطا بندیال کی سربراہی میں سپریم کورٹ کا دو رکنی بینچ سندھ ہاؤس پر حملے سے متعلق کیس کی سماعت کرے گا یہ بھی کہا گیا تھا کہ اسلام آباد میں سندھ ہاؤس پر حملے سے متعلق کچھ دیر بعد کیس کی سماعت ہوگی عدالتِ عظمیٰ کی جانب سے اٹارنی جنرل کو نوٹس جاری کر دیا گیا ہے سپریم کورٹ نے آئی جی اسلام آباد پولیس کو بھی ذاتی حیثیت میں پیش ہونے کی ہدایت کی ہے۔

یاد رہے کہ پاکستان تحریکِ انصاف (پی ٹی آئی) کے کارکنوں نے گزشتہ روز اسلام آباد میں سندھ ہاؤس پر دھاوا بول دیا اور گیٹ توڑ کر اندر داخل ہو گئے پی ٹی آئی کارکنان نے ہاتھوں میں لوٹے اورڈنڈے اٹھا رکھے تھے، انہوں نے منحرف ارکان اور حزبِ اختلاف کے خلاف جبکہ وزیرِ اعظم عمران خان کے حق میں نعرے لگائے اور مشتعل کارکنان سندھ ہاؤس کا گیٹ توڑ کر اندر داخل ہو گئے اور نعرے بازی کی پولیس نے تحریکِ انصاف کے 2 ارکانِ قومی اسمبلی فہیم خان اور عطاء اللّٰہ نیازی سمیت 12 افراد کو گرفتار کر لیا جنہیں بعد ازاں شخصی ضمانت پر رہا کر دیا گیا۔

سی ٹی ڈی کے پنجاب میں انٹیلی جنس بنیاد پر19 آپریشنز،5 دہشت گرد گرفتار، دھماکا خیز مواد برآمد