کراچی پورٹ ٹرسٹ (کے پی ٹی) سی ویو کے ساحل پر پھنسنے والے مال بردار بحری جہاز کو نکالنے کا کام شروع نہ کرسکی-
باغی ٹی وی : کراچی پورٹ ٹرسٹ (کے پی ٹی) حکام کے مطابق جہاز کو نکالنے کے لیےماہرین سے رابطے میں ہیں بحری جہاز کو نکالنے کا آپریشن کے پی ٹی کے آپریشنز ڈیپارٹمنٹ نےشروع کرنا ہے۔
ترجمان کے مطابق کے پی ٹی کے پاس کم گہرے پانی سے جہاز نکالنے کے لیے فوری طوررپر وسائل دستیاب نہیں ہیں بحری جہازکو نکالنے کے لیےغیرملکی سیلویج کمپنی کے ماہرین سے بھی رابطہ کیا گیا ہے ، لہٰذا جہاز طویل عرصے پھنسے رہنے یا غیر ملکی سیلویج کمپنی سے بھاری معاوضےکے تحت نکالے جانےکا امکان ہے۔
واضح رہے کہ کراچی میں ہینگ ٹینگ 77 نامی بحری جہاز سی ویو کی حدود میں پھنس گیا ہے۔
ترجمان کے پی ٹی کا کہنا ہے کہ بحری جہاز ہانگ کانگ سے کراچی کی حدود میں پہنچا تھا جس میں انفرادی طور پر کمپنی نے اشیاء منگوانے کے لیے بکنگ کرائی تھی بحری جہاز تیز ہواؤں کے باعث سی ویو کی جانب دھکیلتا پہنچ گیا جہاز کا انجن کمزور تھا، جو سمندری ہواؤں کا پریشر برداشت نہ کرسکا۔ بحری جہاز ساحل پر ایک کلو میٹر سے کم دوری پر ہے۔
کراچی بندرگاہ انتظامیہ کے مطابق اس جہاز کے لنگر ٹوٹ گئے تھے اس لیے یہ ساحل کے ساتھ آلگا،لیکن ماہرین کا کہنا ہے کہ ایسی صورت میں “مے ڈے کال” دی جاتی ہے اگریہ جہاز تسمان اسپرٹ جہاز کی طرح تیل کا جہاز ہوتا تو خطرناک صورتحال پیدا ہوسکتی تھی۔
