معروف اداکارہ کبری خان جنہوں نے ٹی وی کے ساتھ فلموں میں بھی اپنی اداکاری کے جوہر دکھائے ، ان کی ابھی تک کی آخری فلم لندن نہیں جائونگا نے اچھا بزنس کیا اس میں ان کا کردار بھی بہت سراہا گیا، کبری خان کم کم مگر معیاری کام کرنے پر یقین رکھتی ہیں. انہوں نے اپنے حالیہ انٹرویو میںانکشاف کیا ہے کہ انہوں نے ایک ہالی وڈفلم کی تھی جس کا نام دا کنورسیشن تھا ، اس فلم کو ایمازون پر ریلیز کیا گیا تھا، اداکارہ نے کہا کہ اس فلم میںمیرا کام محض ایک دن کا تھا اور مختصر سا کردار تھا. انہوں نے کہا کہ ہالی وڈ میں ایک دن کا جو کام کیا وہ بہت یادگار
ہے، اگر مجھے دوبارہ کسی اچھے کردار کےلئے ہالی وڈ کی کوئی فلم آفر ہوئی تو یقینا میںکروںگی. انہوں نے کہا کہ کسی بھی فنکار کی خواہش ہوتی ہے کہ وہ جتنا کام کر چکا ہے اس سے زیادہ کام کرے میری بھی خواہش ہےکہ میں زیادہ سے زیادہ کام کروں اور جتنا ہو سکے اپنے مداحوں کومحظوظ کرتی رہوں. اداکارہ نے کہا کہ میرے دو تین اہم پراجیکٹس پائپ لائن میںہیں ریلیز ہوں گے تو میرے مداحوں کو ضرور پسند آئیں گے. انہوں نے کہا کہ میں کبھی مایوس نہیںہوتی بس اللہ پر بھروسہ کرتے ہوئے بس کام کرتی جاتی ہوں.