حکومتی ارکان کے ایم کیو ایم سے رابطے تیز ہو گئے

حکومتی ارکان کے ایم کیو ایم سے رابطے تیز ہو گئے.

ایم کیو ایم کی جانب سے وزارت چھوڑنے پر حکومت نے ایم کیو ایم سے رابطے تیز کردیے . وزیر تعلیم شفقت محمود نے امید ظاہر کی کہ ایم کیو ایم پاکستان تحریک انصاف کے اتحاد کا حصہ رہے گی۔
خالد مقبول صدیقی کے وزارت چھوڑنے کے اعلان پر گورنر سندھ عمران اسماعیل نے ایم کیو ایم پاکستان کی قیادت سے رابطہ کر لیا، انہوں نے وفاق میں اتحادی جماعت سے شکوہ کیا کہ وزارت چھوڑنے کے اعلان سے پہلے حکومت سے رابطہ ہی کر لیتے۔

دوسری جانب تحریک انصاف کے رہنما اور وفاقی وزیر تعلیم شفقت محمود کا کہنا تھا کہ اتحادیوں کے تحفظات مل بیٹھ کر حل کر لیے جائیں گے، حکومت مضبوط ہے، مجھے یقین ہے ایم کیو ایم ہمارے اتحاد کا حصہ رہے گی۔ (ن) لیگ کوخواب آ رہا ہے کہ 2020 میں انتخابات ہوں گے۔مقبول صدیقی کے وزارت چھوڑنے کے اعلان پر گورنر سندھ عمران اسماعیل نے ایم کیو ایم پاکستان کی قیادت سے کیے گئے رابطے میں شکوہ کیا کہ وزارت چھوڑنے کے اعلان سے پہلے حکومت سے رابطہ ہی کر لیتے۔