ایک فلم میں‌کام کرنے کے بعد اداکاری سے توبہ کر لی کمارسانو

بالی وڈ میں نوے کی دہائی میں اگر کسی گلوکار نے سٹار ڈم انجوائے کیا تو وہ تھے کمار سانو، 1990 میں آئی فلم عاشقی سے انہوں نے میوزک کی دنیا میں ایسی دھوم مچائی کےاس کے بعد انہوں نے آج تک پیچھے مڑ کر نہیں سیکھا. کیا آپ جانتے ہیں کہ اس رومینٹک گلوکار نے ایک بنگالی فلم میں بھی کام کیا تھا، اس کے بعد یہ کسی فلم میں‌نظر نہیں آئے. رجت شرما کے ساتھ ایک انٹرویو میں‌ کمار سانو نے اس پر بات کرتے ہوئے کہا کہ میرے دوستوں نے مجھے بہت چڑھایا کہ تم فلم کرو ہر کوئی کر رہا ہے تم کیوں نہیں کرتے، میں‌بھی ان کے پیچھے لگ گیا اور بنگالی فلم کر ڈالی ، بنگالی تھا زبان پر عبور تھا ، فلم ریلیز ہوئی 23 ہفتے چلی لیکن مجھے سمجھ میں آئی کہ اداکاری تو میرے بس کی بات نہیں ہے.

لہذا میں‌نے اداکاری دوبارہ کبھی نہ کرنے کا فیصلہ کیا اور اگر کبھی مجھے دوبارہ آتی یا آئیگی تو انکار ہی کروں گا. انہوں نے ایک سوال کے جواب میں کہا کہ” مجھے جب لگاتار 5 بار فلم فئیر ایوارڈ ملے تو میں‌نے کہا تھا کہ کسی اور گلوکار کو اب ملے تو مجھے خوشی ہو گی اس بات کو پرنٹ میڈیا نے غلط انداز سے لکھا جس کے بعد فلم فئیر والے بھی مجھ سے ناراض ہوئے ، میں سمجھتا ہوں کہ یہ بیان ایک ایسا گناہ بن گیا میرے لئے جس کی سزا آج بھی بھگت رہا ہوں.”

تماشا گھر سے نکلنے کے بعد علی سکند کا اہم وڈیو پیغام

نتاشا علی ہوئیں گھر سے بے گھر

فضا علی کی بیٹی کی شوبز میں‌اینٹری