کویت اور سعودی پھر مل کر کام کریں گے، اہم مسئلے پر شراکت داری کا اعلان
باغی ٹی وی :سعودی عرب اور کویت مل کر تیل کی پیداوار کرنے جارہے ہیں. امریکا نے کویت اور سعودی عرب کی حکومتوں کے درمیان تیل کے مشترکہ کنوئوں سے تیل نکالنے کے سمجھوتے کا خیر مقدم کیا ہے۔ امریکی حکومت کا کہنا ہے کہ سعودی عرب اور کویت کا زمینی اور سمندری حدود میں تیل کے کنوئوں میں موجود تیل نکالنے پر اتفاق اہم پیش رفت ہے۔ اس معاہدے کے نتیجے میں کئی سال سے تعطل کا شکار تیل کی سپلائی ممکن ہو سکے گی۔
سعودی عرب میں قائم امریکی سفارت خانے کی طرف سے کل جمعرات کے روز جاری کردہ ایک بیان میں کہا گیا ہے کہ سعودی عرب اور کویت میں منقسم تیل کے کنوئوں سے تیل کے اخراج سے دونوں ملکوں کو فائدہ پہنچے گا اور عالمی سطح پر تیل کی سپلائی میں بھی اضافہ ہوگا۔
واضحرہےکہ عراق کے کویت پر حملے کے بعد یہ سلسلہ منقطع ہوگیا تھا. اب پھر یہ سلسلہ شروع ہے.دونوں طرف تیل کی پیداوار دوبارہ شروع کرنے کے طریق کار کے حوالے سے مفاہمت کی یادداشت پر بھی دستخط ہوئے، جس پر سعودی طرف شہزادہ عبد العزیز اور کویت کی طرف سے وزیر تیل وبجلی اور پانی کے وزیر ڈاکٹر خالد علی الفادل نے دستخط کیے۔
