"وکلاء بھی ہم لیڈی ڈاکٹرز کے ہاتھوں گائنی وارڈوں میں اپنی ماءوں کی کوکھ سے جنم لیتے ہیں” ڈاکٹرز نے دیا بڑا بیان

ڈاکٹر حنا اسسٹنٹ میڈیکل سپریڈنٹ ڈسٹرکٹ ہیڈ کوارٹرز ہسپتال قصور نے کہا کہ ہم سانحہ لاہور کارڈیالوجی پر دکھ کا اظہار کرتے ہیں
تفصیلات کے مطابق ڈاکٹر حنا اسسٹنٹ میڈیکل سپریڈنٹ ڈسٹرکٹ ہیڈ کوارٹرز ہسپتال قصور نے نمائندہ باغی ٹی وی سے گفتگو کرتے ہوئے کہا کہ ہم ڈاکٹر برادری سانحہ کارڈیالوجی پر گہرے دکھ کا اور افسوس کا اظہار کرتے ہیں ہم لوگ وہ ہیں کہ جو مرتے ہوئے شحض کو اللہ کے بعد سہارا دیتے ہیں اور اپنی جان کی پرواہ کئے بغیر دن رات بغیر کسی امیر غریب کی تفریق کے لوگوں کا علاج کرتے ہیں مگر افسوس کی بات کہ وکلاء برادری نے پڑھے لکھے اور قانون کے رکھوالے ہونے کے باوجود بھی قانون شکنی کا مظاہرہ کیا جس کی جتنی بھی مذمت کی جائے کم ہے ہم ان وکلاء کے بھی مسیحا ہیں وکلاء کو مسیحوں کے ساتھ ایسا رویہ قطعا نہیں کرنا چائیے کیونکہ وکلاء بھی ہم لیڈی ڈاکٹرز کے ہاتھوں گائنی وارڈوں میں اپنی ماءوں کی کوکھ سے جنم لیتے ہیں ڈاکٹر حنا نے مذید کہا کہ ہمارے پاس پرائیویٹ سیکیورٹی گارڈز کے علاوہ کوئی بھی پولیس کی سیکیورٹی نہیں جو کہ انتہائی تشویشناک بات ہے اور او پی ڈی بند کرنے کا فیصلہ ابھی تمام ڈاکٹرز تنظیموں کے ساتھ مل بیٹھ کر کیا جائے گا وکلاء کو چائیے کے اپنے رویے پر معافی مانگیں اور قوم کے مسیحوں کی عزت کرنا سیکھیں
رپورٹ غنی محمود قصوری
ڈسٹرکٹ رپورٹر باغی ٹی وی قصور