لگتا ہے آپ بھی ملزمان کے ساتھ ملے ہوئے ہو،عدالت کا نیب افسر سے مکالمہ

لگتا ہے آپ بھی ملزمان کے ساتھ ملے ہوئے ہو،عدالت کا نیب افسر سے مکالمہ
سندھ ہائیکورٹ مکراچی میں جعلی ڈومیسائل کے اجرا کا معاملہ درخواست گزار ایم کیو ایم رہنما خواجہ اظہار الحسن و دیگر عدالت میں پیش ہوئے

سرکاری وکیل کی جانب سے سماعت ملتوی کرنے کی استدعا کی گئی، اسسٹنٹ ایڈوکیٹ جنرل نے کہا کہ ایم کیو ایم اور پیپلز پارٹی کے درمیاں مذاکرات ہورہے ہیں۔ سرکاری وکیل نے کہا کہ اس کے لیے کمیٹی میں دونوں جماعتوں کے لوگ شامل ہیں، ڈومیسائل کا معاملہ بھی شامل ہے۔عدالت نے پیپلز پارٹی اور ایم کیو ایم کی مذاکراتی کمیٹی کا نوٹیفکیشن اور ٹی او آرز طلب کرلئے، سندھ ہائیکورٹ نے کہا کہ اس کمیٹی میں کیا طے ہورہا ہے ؟ ڈومیسائل سے متعلق بھی بتادیں۔سندھ ہائیکورٹ نے ڈومیسائل کی چھان بین کے لیے کمیٹیز کی رپورٹس بھی طلب کرلی

خوجہ اظہار کی جانب سے مزاکراتی کمیٹی کی ٹی او آرز طلب کرنے کی مخالفت کی گئی ،خواجہ اظہار نے کہاکہ اس کیس سے مذاکراتی کمیٹی کے ٹی او آرز کا تعلق نہیں بنتا۔ سرکاری وکیل نے کہا کہ حکومت نے جعلی ڈومیسائل کی شکایات پر کمیٹی تشکیل دی ۔ اس کمیٹی نے 4 اضلاع میں 423 ڈومیسائل چیک کیے۔سندھ ہائیکورٹ نے کیس کی مزید سماعت 24 مئی تک ملتوی کردی

قبل ازیں گلشن حسن جامشورو میں عوام سے مبینہ بڑے پیمانے پر فراڈ کرنے کا معاملہ ،سندھ ہائیکورٹ نے متاثرین کو متبادل پلاٹس دینے کا حکم دیا تھا۔ ۔ جسٹس محمد اقبال کلہوڑو نے استفسار کیا کہ کتنے متاثرین کو پلاٹس دیئے گئے ،تفتیشی افسر نے کہا کہ متاثرین میں سے کسی نے رجوع ہی نہیں کیا۔ سندھ ہائیکورٹ برہم ہو گئی اور ریمارکس دیتے ہوئے کہا کہ ڈیڑھ سال میں کسی ایک کو بھی پلاٹ نہیں دیا گیا ۔عدالت نے نیب تفتیشی افسر صلاح الدین مغل پر سخت غصے کا اظہارکیا، جسٹس محمد اقبال کلہوڑو نے ریمارکس دیتے ہوئے کہا کہ لگتا ہے آپ بھی ملزمان کے ساتھ ملے ہوئے ہو۔تفتیشی افسر ڈیڑھ سال میں کچھ نہیں کر سکے تو دوسرا تفتیشی افسر لگایا جائے۔تفتیشی افسرڈیڑھ سال میں متاثرین کو نہیں کر سکے؟ کتنی حیرت کی بات ہے۔ انگریزی اخبار میں اشتہار دے دیا ہے کون پڑھے گا؟ عدالت نے تفتیشی افسر پر برہمی کا اظہار کرتے ہوئے کہا کہ کس نے آپ کو نیب میں رکھا ہے؟ نیب کے پاس کوئی اور قابل افسر نہیں ہے؟پہلے شہریوں کو دادو اور پھر پلاٹس کو جامشورو کا کرکے فروخت کیا گیا۔ضمانت اسلیئے منظور کی تھی کہ متاثرین کو متبادل پلاٹس دیے جائیں گے۔اب تو ہم تفتیشی افسر کے خلاف بھی حکم جاری کریں گے۔ڈیڑھ سال سے عدالت سے کھیلا جارہا ہے۔چیئرمین نیب کو آپ کے خلاف کارروائی کے لیے لکھیں گے۔ عدالت نے تفتیشی افسر سے مکالمہ کرتے ہوئے کہا کہ آپ نیب کے لیے موزوں نہیں ہیں۔سندھ ہائیکورٹ نے سماعت ملتوی کردی

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

منحرف اراکین نااہلی کیس، پی ٹی آئی وکیل نے الیکشن کمیشن سے وقت مانگ لیا