لاہور کو تقسیم کردیا گیا ، کیوں کیا ِ؟ اہم خبر آگئی

لاہور : یہ میرا ایریا نہیں ، یہ تیرا ایریا نہیں ، محکموں کے درمیان لاہور کی حد بندی کے تنازعہ کو ختم کرنے کے لیے پہلی مرتبہ نئ حد بندی کرکے محکموں میں تقسیم کردیا گیا ہے.

ذرائع کے مطابق میٹروپولیٹن کارپوریشن اور ایل ڈی اے کے کنٹرولڈ ایریا سے متعلق تیار کردہ ورکنگ پیپر کے مطابق پنجاب حکومت نے کنٹرولڈ ایریا کی 10 روز میں بریفنگ مانگ لی جبکہ مشیر وزیر اعلیٰ ڈاکٹر سلمان شاہ کی قیادت میں کمیٹی تشکیل دیدی گئی ہے۔

ذرائع کے مطابق لاہور شہر کی 23 ہاؤسنگ سکیموں کا کنٹرول ایل ڈی اے کے پاس ہے جبکہ سکیموں کی شاہراہوں کی تعمیرو بحالی میٹروپولیٹن کارپوریشن کی ذمہ داری ہے، سڑکوں کی تعمیر و بحالی کیلئے کروڑوں روپے کے فنڈز ایل ڈی اے کے پاس آتے ہیں لیکن ترقیاتی فنڈز میٹروپولیٹن کارپوریشن کے بجٹ سے خرچ ہو رہے ہیں۔