لاہور جم خانہ کلب کے سالانہ انتخابات 2020ء مکمل، ڈاکٹر جواد ساجدسب سے زیادہ ووٹ لے کر سرفہرست
باغی ٹی وی : لاہور جم خانہ کلب کے سالانہ انتخابات 2020ء مکمل ہوگئے۔ گزشتہ روز جم خانہ کلب میں ہونے والے ان انتخابات میں کامران لاشاری گروپ اور میاں مصباح الرحمان گروپ کے درمیان کانٹے دار مقابلہ دیکھنے میں آیا۔ ہفتے کی صبح ہونے والے انتخابات میں ووٹنگ کا عمل صبح نو بجے شروع ہو کر شام 6 بجے تک جاری رہا. سب سے زیادہ ووٹ ڈاکٹر جواد ساجد خاں نے حاصل کیے ،انہوں نے 1795ووٹ حاصل کیے دوسرے نمبر پر میاں مصباح الرحمان نے 1782 ووٹ حاصل کیے ، ووٹ حاصل کرنے والوں کی بالترتیب لسٹ یہ ہے.
لاہور جم خانہ کے انتخابات میں میاں مصباح الرحمان پینل میں ڈاکٹرجوادساجد، میاں مصباح الرحمان، ڈاکٹرعلی رزاق، سمیرامعروف خان، میاں پرویز، سرمدندیم، آغاعلی امام، زاہد ندیم، پرویز بشیرآغا، پروفیسرمجیدچودھری، واجدعزیزخان اورتیمورعظمت جبکہ کامران لاشاری گروپ میں کامران لاشاری ،خواجہ عمران زبیر، شوکت جاوید، سمیع الرحمان خان، احسن سعید میاں، میاں جاوید ظہور، ڈاکٹرآصف کاظمی، قمرخان بوبی، سید طیب حسین رضوی، رابعہ سلمان، ظل الٰہی اورپروفیسرڈاکٹرعفت بتول مد مقابل تھے۔
دونوں گروپوں کے امیدواروں اور سپورٹروں کی جانب سے ووٹرز کا استقبال کیا گیا ۔
