لاہور ہائی کورٹ کے 16 سینیئر آفس کوآرڈینٹرز (گریڈ16) کو ایڈمن آفس کوآرڈینٹرز (گریڈ 17) کے عہدوں پر ترقی دے دی گئی-
باغی ٹی وی : تفصیلات کے مطابق چیف جسٹس لاہور ہائی کورٹ محمد قاسم خان کی منظوری کے بعد نوٹیفکیشن جاری کردیا گیا-
نوٹیفکیشن کے مطابق سینیئر آفس کوآرڈینٹرز ذوالفقار علی، محمود الحسن، محمد طاہر اقبال کو ایڈمن آفس کوآرڈینٹرز کے عہدوں پر ترقی دی گئی ہے-
سینیئر آفس کوآرڈینٹرز رئیس خان، فیصل رشید بھی ترقی پانے والوں میں شامل، محمد اشرف، موسیٰ شادی لال کو بھی گریڈ 17 میں ترقی دے دی گئی-
محمد فیاض، محمد رشید بھی ترقی پانے والوں میں شامل نوٹیفکیشن کے مطابق 11 سینیئر آفس کوآرڈینٹرز کو ترقی کے لئے موزوں بھی قرار دیا گیا ہے-
ترقی کےلئے موزوں قرار دیئے جانے والے آفس کوآرڈینٹرز کو سیٹوں کی دستیابی پر ترقی دے دی جائے گی-
