لاہور پولیس نے اچانک شہر کی سیکیورٹی کو بڑھا دیا

ماہ صیام کا دوسرا جمعتہ المبارک،کورونا وائرس کے خدشات بھی برقرار۔ لاہور پولیس نے جمعتہ المبارک کے موقع پر عبادت گاہوں اور نمازیوں کی سکیورٹی بڑھا دی۔ 03 ہزار سے زائد پولیس افسران اور جوان سکیورٹی پر تعینات۔ نمازی حضرات کی ماسک، سینٹائزر اور صفوں میں فاصلہ کے حوالے سے چیکنگ بھی یقینی بنائی گئی۔ ڈی آئی جی رائے بابر سعید کا کہنا ہے کی مساجد، امام بارگاہ اور عبادت گاہوں میں کورونا ایس او پیز پر عملدرامد کے لئے 277 انفورسمنٹ ٹیمیں تشکیل دی گئی۔ 20نکاتی ایس او پیز یقینی بنانے کے لئے پولیس افسران مساجد کمیٹیوں اور انتظامیہ سےمکمل رابطے میں ہیں۔ علماء کرام، مساجد انتظامیہ20نکاتی ہدایات کی پابندی سے عبادت گذاروں کو کورونا سے محفوظ رکھیں۔ شہر کی 5057مساجد کو حساسیت کے اعتبار سے 03کیٹیگریزمیں تقسیم کیا گیا ہے۔ اے کیٹیگری میں 218،بی کیٹیگری775جبکہ سی کیٹیگری میں 4064 مساجد شامل۔ ڈولفن سکواڈ،پیرو ٹیمیں اور تھانوں کی گاڑیاں عبادت گاہوں کے اطراف موثر پٹرولنگ کریں۔