لاہور کے تھانہ شفیق آباد میں انوکھا مقدمہ، شہری نے گھر سے جوتا چوری ہونے پر تھانہ میں مقدمہ درج کرا دیا اور موقف اپنایا ہے کہ اس کا 200 روپے مالیت کا جوتا گھر سے چوری ہو گیا ہے.
ااقبال نامی شخص نے تھانہ شفیق آباد میں درخواست دی کہ وہ رات کو سو رہا تھا جب اٹھا تو اس کے جوتے گھر میں موجود نہیں تھے کسی نامعلوم چور نے اس کے جوتے چوری کر لئے ہیں جس پر ایس ایچ او تھانہ شفیق آباد عمران قمر پڈانہ نے مقدمہ درج کرنے کا حکم دیا
مقدمہ درج ہونے کے بعد انوسٹی گیشن ونگ نے اقبال نامی شہری کا جوتا تلاش کرنے کیلئے تفتیش کا آغاز کر دیا ہے، پولیس کی جانب سے شہری کو یقین دہانی کرائی گئی ہے کہ اس کے جوتے جلد برآمد کر لئے جائیں گے.
