لاہور میں مکمل لاک ڈاون ہو گا، کب سے عمل درآمد کروانے کا فیصلہ؟

سی سی پی او لاہور ذوالفقار حمید کا کہنا ہے کہ کل سے شہر بھر میں مکمل لاک ڈاؤن ہوگا، مارکیٹس، بازار، دکانیں بند جبکہ ہر قسم کی نقل و حرکت پر بھی مکمل پابندی ہوگی، تمام پرائیویٹ دفاتر بھی بند رہیں گیں، ڈبل سواری سمیت ہر قسم کی ٹرانسپورٹ پر مکمل پابندی ہوگی، شہر بھر میں لاک ڈاؤن کو یقینی بنانے کےلئے جگہ جگہ ناکہ بندی کی جائے گی، غیر ضروری گھروں سے نکلنے والوں کےخلاف کارروائی ہوگی، شہری پریشانی سے بچنے کیلئے گھروں میں محفوظ رہیں، نماز جمعہ کے دوران حکومتی ایس او پیز پر عملدرآمد کروایا جائے گا۔