صوبائی دارلحکومت لاہور کے علاقہ فیروز پور روڈ پردھماکہ ہونے سے 12 افراد زخمی ہو گئے
اپوزیشن کی اے پی سی شروع ہونے سے قبل ہی ناکام ،اہم خبر
باغی ٹی وی کی رپورٹ کے مطابق لاہور کے علاقے اچھرہ میں فیروز پور روڈ پر بیکری میں سلںڈر دھماکے سے بارہ افراد زخمی ہو گئے، دھماکے کی اطلاع ملنے پر ریسکیو اور فائر بریگیڈ کی ٹیمیں موقع پر پہنچ گئیں، ریسکیو اہلکاروں نے زخمیوں کو طبی امداد کے لئے ہسپتال منتقل کیا.
زخمی ہونے والوں میں بیکری کا سیکورٹی گارڈ اور ملازمین شامل ہیں. تمام زخمیوں کو سروسز ہسپتال منتقل کیا گیا، زخمی ہونے والے افراد میں پچیس سالہ عاقب ، سولہ سالہ آیان صادق ، انیس سالہ محمد عثمان ، اٹھائیس سالہ فرحان، پینتیس سالہ مطلوب، پینتیس سالہ ساجد علی، چوبیس سالہ فرزند ، بائیس سالہ حمزہ، ساٹھ سالہ سجال اور پینسٹھ سالہ غلام قادر اور ایک نامعلوم شخص شامل ہے، زخمیوں میں سے پانچ کی حالت تشویشناک ہے.
