قرارداد مسلم لیگ (ن) کی رکن اسوہ آفتاب کی جانب سے جمع کرائی گئی
پنجاب اسمبلی کا یہ ایوان لاہور میں کمسن بچے کی پولیو سے ہلاکت پر گہرے افسوس کا اظہار کرتا ہے. لاہور میں پولیو سے ہلاکت کا یہ اپنی نوعیت کا پہلا واقعہ ہے. رواں برس رپورٹ ہونے والے مجموعی کیسز کی تعداد 53 تک پہنچ گئی. مئی کے مہینے میں پولیو کے دو نئے کیسز رپورٹ ہوئے تھے جبکہ اس سے قبل مارچ میں تین بچوں میں وائرس کی تصدیق ہوئی. رواں سال میں اب تک صوبہ سندھ میں 21، کے پی کے 18، بلوچستان 11 اور پنجاب میں 3 کیسز رپورٹ ہوئے. پولیو کے حوالے سے سال 2019 بدترین رہا جب ملک بھر میں 146 نئے کیسز سامنے آئے تھے، متن
یہ شرح سنہ 2014 کے بعد بلند ترین تھی. اسی طرح سنہ 2015 میں ملک میں 54، 2016 میں 20، 2017 میں سب سے کم صرف 8 اور سنہ 2018 میں 12 پولیو کیسز ریکارڈ ہوئے. اس تمام عرصے میں پولیو کیسز کی سب سے زیادہ شرح صوبہ خیبر پختونخواہ میں دیکھی گئی. موجودہ حکومت پولیو وائرس کے پھیلاﺅ کو سنجیدہ نہیں لے رہی. پولیو جیسی جان لیوا بیماری کا پاکستان میں دوبارہ سر اٹھانا سنگین خطرے کی علامت ہے، متن.
ملک بھر میں فوری پولیو ایمرجنسی نافذ کی جائے،بلاتعطل ملک بھر میں پولیو مہم چلائی جائے:مطالبہ
