لاہور میں ڈکیتی مزاحمت پر شہری کو قتل کرنے والے ڈاکووں کی شناخت ہو گئی، ڈاکو کون ہے؟

لاہور کے علاقے فیصل ٹاؤن میں ڈکیتی مزاحمت پر شہری کے قتل کا معاملہ
قتل کی لرزہ خیز واردات کی تحقیقات میں اہم پیش رفت ہو گئی۔ پولیس نے دوران ڈکیتی واردات قتل کی سی سی ٹی وی فوٹیج اور تصاویر حاصل کر لیں۔ باغی ٹی وی واردات کی تصاویر اور سی سی ٹی وی فوٹیج منظر عام پر لے آیا۔ فوٹیج میں دیکھا گیا کہ شہری اے ٹی ایم سے پیسے نکلوا کر گاڑی میں بیٹھا۔ دو موٹر سائیکل سوار ڈاکووں نے پیچھے سے لا کر موٹر سائیکل سامنے کھڑی کر دی۔ 45 سالہ خالد حسین کی مزاحمت پر ڈاکووں نے فائرنگ کی۔ مقتول نے زخمی حالت میں ڈاکووں کو پکڑنے کی کوشش کی۔ جس کے بعد ڈاکو فرار ہونے میں کامیاب ہو گئے۔ واقعہ یکم مئی کی رات کو پیش آیا تھا۔ سی سی ٹی وی فوٹیج کی مدد سے بھی تاحال ملزمان ٹریس نہیں ہو سکے ہیں۔ پولیس کا کہنا ہے کہ ملزمان کی گرفتاری کے لیے ہر طرح سے کوشش جاری ہے۔ اور جلد ملزموں کو گرفتار کر لیا جائے گا۔