لاہور میں پولیس مقابلے میں ایک ڈاکو ہلاک جبکہ دوسرا فرارہو گیا ہے
پولیس مقابلہ بیدیاں روڈ پر ہوا،پولیس مقابلے کے بعد ہلاک ڈاکو کی شناخت نثار کے نام سے ہوئی،جو بیدیاں گاؤں کا رہائشی تھا،پولیس حکام کے مطابق ہلاک ڈاکو نے ساتھی کے ہمراہ کاہنہ کے علاقہ لکھوکی سٹاپ کے قریب فیکٹری میں واردات کی،چوکی انچارج لکھوکی اسرار اقبال نے ٹیم کے ہمراہ تعاقب کیا تو ڈاکوؤں نے فائرنگ کر دی، جوابی کارروائی کے نتیجے میں نثار ہلاک ہو گیا، اس کا دوسرا ساتھی فرار ہو گیا،فرار ہونے والے ملزم کی تلاش کیلئے علاقہ کی ناکہ بندی کر دی گئی ہے، ہلاک ہونے والے ڈاکو کی لاش پوسٹ مارٹم کے لئے ہسپتال منتقل کر دی گئی ہے.
