لاہور رکشہ اور ٹرین میں تصادم، خاتون جاں بحق، چار افراد زخمی

پناجب کے صوبائی دارالحکومت لاہور میں ریلوے کا پھاٹک کھلا رہنے کی وجہ سے رکشہ ٹرین کی زد میں آ گیا، ایک خاتون موقع پر جاں بحق جبکہ چار افراد زخمی ہو گئے. حادثٕے کا ذمہ دار ٹرین ڈرائیور کو قرار دیا گیا ہے

باغی ٹی وی کی رپورٹ کے مطابق لاہور کے علاقہ کوٹ لکھپت میں ریلوے کراسنگ سے گزرنے والا رکشہ پاک بزنس ٹرین کی زد میں آیا جس سے رکشے میں سوار خاتون جاں بحق ہو گئی. زخمی ہونے والے افراد کو ریسکیو ٹیموں نے قریبی ہسپتال منتقل کیا ہے. عینی شاہدین کا کہنا ہے کہ ریلوے پھاٹک کھلا ہونے کی وجہ سے حادثہ ہوا کیونکہ پھاٹک کھلا ہونے کی وجہ سے لوگ بلا خوف و خطر لائن کراس کروا رہے تھے، دوسری جانب ریلوے حکام کا کہنا ہے کہ واقعہ کی تحقیقات کرنے کے بعد ذمہ داروں کا تعین کیا جائے گا کہ پھاٹک کیوں کھلا تھا .

واضح رہے کہ ریلوے کے وزیر شیخ رشید احمد ہیں ،اس سے قبل خواجہ سعد رفیق جب ریلوے کے وزیر تھے تو ان کے دور میں ٹرین حادثات پر استعفیٰ طلب کیا جاتا تھا