انٹیلی جنس اداروں نے صوبائی دارالحکومت لاہور میں کارروائی کرتے ہوئے داسو حملے میں ملوث دو مشتبہ افراد کو حراست میں لے لیا۔
باغی ٹی وی : میڈیا رپورٹس کے مطابق داسو حملے کی تحقیقات کے دوران انٹیلی جنس اداروں نے دو مشتبہ افراد کولاہور سے گرفتار کیا ہے گرفتار کئے جانے والے دونوں افراد بھائی ہیں جن کا تعلق کوئٹہ سے ہے اور دونوں بھائی گزشتہ 15سال ڈیفنس پی بلاک میں رہائش پذیر ہیں۔
باخبر ذرائع کا کہنا ہے کہ داسوحملے میں زیراستعمال گاڑی لاہورمیں مقیم شخص کی تھی –
جبکہ دوسری جانب یہ دعویٰ بھی کیا جارہا ہے کہ داسوحملہ اورجوہرٹاون دھماکے کی کڑیاں آپس میں ملنے لگی ہیں اور دونوں حملوں کے تانے بانے ٖغیرملکی ایجنسیوں سے مل رہے ہیں۔
