من گئ اے دنیا بزدار نوں ، اب لاہور کی سڑکوں پر سپرے ہوگا عرق گلاب کا

لاہور : اب لاہور کی سڑکوں پر عرق گلاب کا سپرے کرکے ہر طرف خوشبوبکھیرنے کے عثمان بزدار کے فیصلے نے تو حیران کرکے رکھ دیا ہے. اطلاعات کے مطابق اس سلسلے میں لاہور ویسٹ مینجمنٹ کمپنی نے عید صفائی پلان کی مناسبت سے تیاریاں مکمل کرلیں، تیاریوں کے حوالے سے خصوصی سیمینار کا انعقاد، ورکرز کو آلائشیں ٹھکانے لگانے کے لیے فوری اقدامات کی ہدایت، ایم ڈی اجمل بھٹی نے کہا ہے شہر کی 45 سڑکوں اور ویسٹ پوائنٹس پر عرق گلاب کا سپرے کیا جائے گا۔

ذرائع کے مطابق لاہور میں صفائی ستھرائی کے حوالے سے کافی دنوں سے منصوبہ بندی کی جارہی تھی . تاہم اب ٹاؤن ہال میں لاہور ویسٹ مینجمنٹ کمپنی کے زیراہتمام عید قرباں کی مناسبت سے تربیتی سیمینار میں ایم ڈی ایل ڈبلیو ایم سی محمد اجمل بھٹی، جی ایم آپریشن سہیل ملک، سربراہ کمیونیکیشن جمیل خاور، جی ایم ایچ آر فرخ بٹ، شعبہ آپریشن کے افسروں اورورکرز نے شرکت کی۔

لاہور میں صفائی سے متعلق اس اجلاس میں ایم ڈی اجمل بھٹی نے کہا کہ وزیر اعلیٰ پنجاب کی ہدایت پر شہر کی 45 سڑکوں کا 6 سو کلو میٹر اور ویسٹ پوائنٹس پر عرق گلاب کا سپرے کیا جائے گا۔ایم ڈی اجمل بھٹی نے کہاکہ گزشتہ برس کے مقابلے میں ڈمپنگ سائٹس کی تعداد تین سے بڑھا کر 5 کردی گئی ہے، ٹبہ اور سندر کی سائٹس کو بھی استعمال کیا جائے گا۔