نوجوان کو لڑکی کے ساتھ تعلق کی بھاری قیمت چکانا پڑ گئی

لڑکی سے تعلقات کے شبہ پر نوجوان کے ساتھ بااثر افراد کا انسانیت سوز سلوک، نوجوان کو بہیمانہ تشدد کا نشانہ بناکر بھنویں، مونچھیں اور سر کے بال مونڈھ ڈالے، ملزمان اپنے ڈیرے پر نوجوان پر کئی گھنٹے تک تشدد کرتے رہے۔
مظفرگڑھ کے علاقے خانگڑھ میں لڑکی سے تعلقات کے شبہ پر مخالفین کا نوجوان پر انسانیت سوز سلوک کا واقعہ پیش آیا ہے جبکہ بااثر افراد نے نوجوان اکبر کو بہیمانہ تشدد کا نشانہ بناتے ہوئے اسکی بھنویں، مونچھیں اور سر کے بال بھی مونڈھ ڈالے اور ملزمان نے نوجوان کو زبردستی اٹھاکر اپنے ڈیرے پر لیجاکر کئی گھنٹے تک محبوس بناکر تشدد کرتے رہے ہیں۔ پولیس کے مطابق نوجوان اکبر پر تشدد اور انسانیت سوز سلوک کا واقعہ خانگڑھ کے علاقے سوھےوالا میں پیش آیا ہے اور نوجوان پر تشدد کا مقدمہ درج کرکے دو ملزمان کو گرفتار کرلیا جبکہ دیگر ملزمان کی گرفتاری کے لیے چھاپے جاری ہیں۔