جلوس نکالنے پر مقدمہ درج

شیخوپورہ (نمائندہ باغی ٹی وی ) شیخوپورہ میں گرفتار شدہ نواز لیگ کے مرکزی رہنماء میاں جاوید لطیف کے گھر جانے والے جلوس کا سٹی اے ڈویژن پولیس نے ڈپٹی کمشنر شیخوپورہ چوہدری محمد اصغر جوئیہ کی طرف سے جاری کردہ ہدایات پر مقدمہ درج کر لیا ہے یہ مقدمہ ریونیو آفیسر اور پرائس کنٹرول مجسٹریٹ محمد ارشد شاہین کی مدعیت میں ایس او پیز کی خلاف ورزی کرنے کے الزام کی بناء پر زیر دفعہ 269 / 270 ت پ اور پنجاب انفلیشن ڈیزیزز پریونیٹو اینڈ کنٹرول ایکٹ 6-2020 اور 7-2020 کے تحت درج کیا گیا ہے جس میں بلا اجازت جلوس نکالنے اور ایس او پیز کی خلاف ورزیاں کرنے کا الزام میاں جاوید لطیف کے بیٹے میاں حسن جاوید دو بھائیوں سابق چیئرمین بلدیہ میاں امجد لطیف میاں منور لطیف صدر نواز لیگ شیخوپورہ میاں منور اقبال اور انجمن تاجران کے عہدیداروں ملک پرویز اقبال شیخ محمد یعقوب شیخ عظیم جاوید اور میاں احسان عرف شانی سمیت لا تعداد کارکنوں پر عائد کیا گیا ہے ایف آئی آر میں مزید کہا گیا ہے کہ ان افراد نے لاک ڈاؤن اور ایس او پیز کی خلاف ورزی کر کے جلوس نکال کر جرم کا ارتکاب کیا ہے