پریشانی والی خبر ، عمارتیں تباہ کردیں ، کس نے کیں ؟ جانیں

لاہور:غیر قانوی قابضین اور بغیر منظوری کے بنائی جانی والی عمارتیں‌. ایل ڈی اے نے مسمار کردیں.لاہور ڈویلپمنٹ اتھارٹی کی جانب سے شہر بھرمیں غیر قانونی تعمیرات کےخلاف کریک ڈاؤن جاری ہے، اطلاعات کے مطابق لاہور ڈویلپمنٹ اتھارٹی کے ٹاؤن پلاننگ ونگ کا غیر قانونی تعمیرات کے خلاف آپریشن، 6غیر قانونی تعمیرات مسمارجبکہ 3 کوسربمہرکیا گیا۔

ایل ڈی اے ترجمان کے مطابق ڈیفنس روڈ، فیروز پور روڈ، کچہ جیل روڈ اورکوٹ لکھپت پیکو روڈ پر ایل ڈی اے ٹاؤن پلاننگ کےانفورسمنٹ ونگ نے پولیس کےہمراہ آپریشن کیا۔ ڈیفنس روڈ پر غیر قانونی دکان مسمارجبکہ ایک فیکٹری کو سیل کیا گیا، فیروزپور روڈ کاہنہ میں ایک غیرقانونی دکان اور بغیر نقشہ کے دوسری منزل کومسمار کردیا گیا، کچہ جیل روڈ پر گھریلو پلاٹ پرتعمیر ہونے والی کمرشل بلڈنگ اورکوٹ لکھپت پیکو روڈ پر بھی غیر قانونی تعمیرات کوسیل کیا گیا۔

دوسری طرف ذرائع کے مطابق ایل ڈی اے کے مطابق جیا بگا میں ایک غیر قانونی فیکٹری کوسربمہرکردیا، ڈائریکٹر ٹاؤن پلاننگ سلمان محفوظ کی نگرانی میں ڈپٹی ڈائریکٹر ٹاؤن پلاننگ سکندر ہارون اوراسسٹنٹ ڈائریکٹر ٹاؤن پلاننگ رضا علی نے کارروائی میں حصہ لیا۔