مسلم لیگ ن کے سینیٹر افنان اللّٰہ خان کے برادرِ نسبتی کو اسلام آباد سے اغوا کر لیا گیا۔ سینیٹر افنان اللّٰہ نے سوشل میڈیا پر جاری اپنے ایک بیان میں بتایا کہ گزشتہ شب میرے بردارِ نسبتی طلحہ کو اسلام آباد کے سیکٹر ایف الیون ٹو سے اغوا کیا گیا۔
میرے ثالا طلحہ اسد کو کل رات 8.30 پر سیکٹر ایف 11/2 کی مسجد حدیبیہ(تہذیب بیکری کے قریب)سے اغوا کیا گیا ہے۔اس کو کالے شیشہ والی ٹیوٹا Hiace میں اٹھایا گیا تھا۔اس کی کسی سے کوئی دشمنی نہیں ہے۔ آخری لوکیشن موبائل سے جو ملی ہے وہ گولڑہ شریف کی ہے۔ pic.twitter.com/8xsCNUp9Z8
— Senator Dr. Afnan Ullah Khan (@afnanullahkh) September 11, 2022
لیگی سینیٹر نے سوشل میڈیا پر اپنے برادر نسبتی کے علاوہ ایک مبینہ گاڑی کی تصاویر بھی شیئر کی جن میں طلحہ اسد کو اغوا کر کے لے جایا گیا اور بتایا کہ اُن کی کسی سے کوئی دشمنی نہیں ہے۔
سینیٹر افنان اللّٰ کے مطابق میرے برادر نسبتی طلحہ اسد کو گزشتہ رات 8.30 پر سیکٹر ایف 11/2 کی مسجد حدیبیہ(تہذیب بیکری کے قریب)سے اغوا کیا گیا ہے۔اس کو کالے شیشہ والی ٹیوٹا Hiace میں اٹھایا گیا تھا۔اس کی کسی سے کوئی دشمنی نہیں ہے۔ آخری لوکیشن موبائل سے جو ملی ہے وہ گولڑہ شریف کی ہے۔
ان کا کہنا تھا کہ بردارِ نسبتی کی بازیابی کے لیے اسلام آباد پولیس سے رابطہ کیا ہے۔واضح رہے کہ سینیٹر افنان اللّٰہ خان ن لیگ کے مرحوم سینیٹر مشاہد اللّٰہ خان کے بیٹے ہیں۔
