اسلام آباد/مظفرآباد:آزاد کشمیروالے پی ٹی آئی میں شامل ہوگئے:قانون سازاسمبلی کےممبران کی ملاقات:وزیراعظم عمران خان پر اعتماد کا اظہار،اطلاعات کے مطابق آج وزیر اعظم عمران خان سے آزاد جموں و کشمیر قانون ساز اسمبلی کےممبران نے اہم ملاقات کی ہے اوربڑی تعداد میں ممبران اسمبلی اوراہم سیاسی رہنماوں نے پی ٹی آئی میںشمولیت کا اعلان کردیا ہے
ذرائع کے مطابق آزادکشمیر سے ممبران قانون ساز اسمبلی علی شان سونی، علی رضا بخاری، صغیر چغتائی ، سابق سپیکر انوارالحق اور سابق وزیر شہزاد چوہدری نے پاکستان تحریک انصاف میں شمولیت کی اوروزیراعظم کی قیادت پراعتماد کا اظہارکیا ہے
اس موقع پر وزیراعظم عمران خان سے ملاقات کے دوران ممبران قانون ساز اسمبلی نے کہا کہ جس مدبرانہ اور مربوط حکمت عملی سے وزیر اعظم عمران خان نے ملک کو مالی بحرانوں سے نکال کر ترقی کی راہ پر گامزن کیا ہے اور جس موثرانداز میں انہوں نے بین الاقوامی فورمز پر نہ صرف کشمیر بلکہ اسلام کا مقدمہ لڑا ہے وہ نہایت قابل تحسین ہے ۔
انہوں نے کہا کہ انہوں نے پاکستان تحریک انصاف کے ویژن اور عملی اقدامات سے متاثر ہو کر پارٹی میں شمولیت کا فیصلہ کیا ہے تاکہ وہ وزیر اعظم عمران خان کے ویژن کو مزید آگے بڑھا سکیں
ملاقات میں وزیر اطلاعات چوہدری فواد احمد، وزیر برائے امور کشمیر و گلگت بلتستان علی امین گنڈا پور، سیف اللہ نیازی، عامر کیانی، ارشد داد، سلطان محمود چوہدری و دیگر بھی موجود تھے
Leave a reply
