بلدیاتی الیکشن کی تیاری:ملک بھرمیں 24000 ڈسپلے سینٹرزقائم

لاہور:ملک میں بلدیاتی الیکشن کی تیاریوں کے سلسلے میں الیکشن کمیشن نے ووٹروں کوان کے ووٹ کی تصدیق اوردرستگی کے لیے آن لائن سہولت میسرکردی ہے،

باغی ٹی وی کے مطابق الیکشن کمیشن آف پاکستان کی جانب سےغیر حتمی و ابتدائی انتخابی فہرستوں کی اشاعت کے بعد فہرستوں کے معائنہ کے لیے ملک بھر میں 24000 ڈسپلے سینٹرز قائم کردیئے گئے ہیں ،

الیکشن کمیشن کی جانب سے عوام کو ہدایت کی گئی ہے کہ رائے دہندگان اپنے ووٹ کے اندراج کو شناختی کارڈ پر درج مستقل یا موجودہ پتہ پر یقینی بنائیں جبکہ ووٹ کے اندراج اور ڈسپلے سنٹر کی تفصیلات جاننے کے لیے اپنا شناختی کارڈ نمبر 8300 پر ایس ایم ایس کریں

یاد رہےکہ الیکشن کمیشن نے صوبوں کوہدایت کی ہےکہ وہ بلدیاتی الیکشن کی تیاری کریں اورالیکشن سے قبل ووٹرلسٹوں کودرست کرلیا جائے تاکہ ووٹرکوپریشانی کا سامنا نہ کرنا پڑے